April 03, 2024
April 03, 2024
റിയാദ്: സൗദി അറേബ്യയിലെ കിംഗ് ഖാലിദ് അന്താരാഷ്ട്ര വിമാനത്താവളത്തില് ഇ- ഗേറ്റുകള് പ്രവര്ത്തനമാരംഭിച്ചു. യാത്രക്കാരുടെ നടപടിക്രമങ്ങള് കാര്യക്ഷമമാക്കുന്നതിന്റെ ഭാഗമായുള്ള നടപടിയുടെ ആദ്യ ഘട്ടമാണ് ആരംഭിച്ചത്. രാജ്യത്തെ ആദ്യ പാസ്പോര്ട്ട് സെല്ഫ് ചെക്കിംഗ് -ഇന് സേവനത്തിനാണ് റിയാദ് വിമാനത്താവളത്തില് തുടക്കമായത്. സൗദി ജനറല് ഡയറക്ടറേറ്റ് ഓഫ് പാസ്പോര്ട്ടിന്റെ നേതൃത്വത്തില് കഴിഞ്ഞദിവസം മുതല് ഇ-ഗേറ്റുകള് പ്രവര്ത്തനമാരംഭിച്ചു.
ബയോമെട്രിക് ഡാറ്റകളെ അടിസ്ഥാനമാക്കി വേഗത്തില് നടപടിക്രമങ്ങള് പൂര്ത്തിയാക്കാന് കഴിയുന്നതാണ് ഇ-ഗേറ്റ് സംവിധാനമെന്ന് ജനറല് ഡയറക്ടറേറ്റ് ഓഫ് പാസ്പോര്ട്ട് ചീഫ് ലഫ്റ്റനന്റ് ജനറല് സുലൈമാന് അല് യഹ്യ വ്യക്തമാക്കി. പൗരന്മാര്ക്കും പ്രവാസികള്ക്കും സന്ദര്ശകര്ക്കുമുള്ള യാത്രാ നടപടിക്രമങ്ങള് വികസിപ്പിക്കുന്നതും ഡിജിറ്റല് സേവനങ്ങളിലൂടെ ഗുണനിലവാരം ഏകീകരിക്കുന്നതും ലക്ഷ്യമിട്ടാണ് ഇ-ഗേറ്റുകള് സ്ഥാപിച്ചത്.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F