April 06, 2024
April 06, 2024
റിയാദ്: സൗദി അറേബ്യയില് ഗതാഗത നിയമലംഘനങ്ങളുമായി ബന്ധപ്പെട്ട പിഴകളില് ഇളവ് പ്രഖ്യാപിച്ചു. 2024, ഏപ്രില് 18 ന് മുന്പുള്ള പിഴകളില് 50 ശതമാനം ഇളവാണ് പ്രഖ്യാപിച്ചത്. സൗദി ഭരണാധികാരി സല്മാന് ബിന് അബ്ദുല് അസീസ് രാജാവിന്റേയും കിരീടാവകാശിയും പ്രധാനമന്ത്രിയുമായ മുഹമ്മദ് ബിന് സല്മാന് രാജകുമാരന്റേയും നിര്ദേശപ്രകാരമാണ് തീരുമാനം.
സാമ്പത്തിക മന്ത്രാലയത്തിന്റെയും സൗദി ഡാറ്റ ആന്റ് ആര്ട്ടിഫിഷ്യല് ഇന്റലിജന്സ് അതോറിറ്റിയുടെയും സഹകരണത്തോടെ പദ്ധതി നടപ്പിലാക്കും. പിഴകള് അടയ്ക്കാന് ആറ് മാസത്തെ സാവാകാശവും അനുവദിക്കും. എല്ലാ പിഴകളും ഒറ്റയടിക്ക് അടയ്ക്കാനും വ്യക്തിഗതമായി തീര്പ്പാക്കാനും സാധിക്കും. അതേസമയം പൊതുസരുക്ഷയെ ബാധിക്കുന്ന പിഴകള്ക്ക് ഇളവുകള് ബാധകമല്ലെന്ന് അതോറിറ്റി വ്യക്തമാക്കി.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/IocT7PQnr4MEYpMCPpqwIn ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F