September 03, 2023
September 03, 2023
ദുബായ് / മസ്കത്ത് : ഒമാന്റെ ബജറ്റ് വിമാനകമ്പനിയായ 'സലാം എയർ' ദുബായിൽ നിന്നും ഫുജൈറയിൽ നിന്നും കോഴിക്കോട്ടേക്ക് സർവീസ് ആരംഭിക്കുന്നു.അടുത്തമാസം മുതലാണ് മസ്കത്ത് വഴി കോഴിക്കോട്ടേക്ക് സർവീസിന് തുടക്കമാവുക.
ദുബായിൽ നിന്ന് എല്ലാ ദിവസവും ഫുജൈറയിൽ നിന്ന് ആഴ്ചയിൽ രണ്ട് ദിവസവും കോഴിക്കോട്ടേക്ക് സർവീസുകൾ ഉണ്ടായിരിക്കും.
ഒക്ടോബർ ഒന്ന് മുതൽ ദുബായിൽ നിന്ന് ആഴ്ചയിൽ എല്ലാ ദിവസവും മസ്കത്ത് വഴി കോഴിക്കോട്ടേക്ക് വിമാനമുണ്ടാകും. ഒക്ടോബർ രണ്ട് മുതൽ തിങ്കൾ, ബുധൻ ദിവസങ്ങളിലാണ് ഫുജൈറയിൽ നിന്ന് മസ്കത്ത് വഴി കോഴിക്കോട്ടേക്ക് സർവീസുണ്ടാവുക.
ഈ ദിവസങ്ങളിൽ രാവിലെ 10:20 നും രാത്രി 7:50നും ഫുജൈറയിൽ നിന്ന് വിമാനം പുറപ്പെടും. മസ്കത്തിലെ ട്രാൻസിറ്റിന് ശേഷം പുലർച്ചെ 3.20 ന് വിമാനം കരിപ്പൂരിലിറങ്ങും. 361 ദിർഹമാണ് നിലവിൽ ഓൺലൈനിൽ ഫുജൈറ- കോഴിക്കോട് സർവീസിന് നിരക്ക്. കോഴിക്കോട് നിന്ന് പുലർച്ചെ 4.20ന് വിമാനം തിരിച്ചുപറക്കും. മസ്കത്തിലെ ട്രാൻസിറ്റിന് ശേഷം രാവിലെ 9.50നും രാത്രി 7.20നും ഫുജൈറയിൽ തിരിച്ചെത്താൻ വിമാനമുണ്ടാകും.
ദുബായിൽ നിന്നുള്ള കോഴിക്കോട് വിമാനങ്ങൾ രാത്രി 7.55ന് പുറപ്പെടും. മസ്കത്തിലെ ട്രാൻസിറ്റിന് ശേഷം പുലർച്ചെ 3.20ന് കരിപ്പൂരിൽ ഇറങ്ങും. 390 ദിർഹമാണ് നിലവിൽ ഓൺലൈനിൽ നിരക്ക് കാണിക്കുന്നത്. കോഴിക്കോടിന് പുറമെ, ഹൈദരബാദ്, ഗോവ എന്നിവിടങ്ങളിലേക്കും സലാം എയർ ഒക്ടോബറിൽ സർവീസ് ആരംഭിക്കുന്നുണ്ട്.
ന്യൂസ്‌റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/7iFkiXrjqZbE8gsI6yASj9
