February 24, 2024
February 24, 2024
അബുദാബി: യു.എ.ഇയിൽ പുരുഷ സൈക്ലിങ് മത്സരത്തിന്റെ ഭാഗമായി അൽ ഐൻ ഗാർഡൻ സിറ്റിയിൽ നാളെ (ഞായർ) ഉച്ചയ്ക്ക് 12 മണി മുതല് വൈകീട്ട് 4.40 വരെ റോഡ് അടച്ചിടുമെന്ന് സംയോജിത ഗതാഗതകേന്ദ്രം അറിയിച്ചു. 'ഇൻ്റർനാഷണൽ ഹോൾഡിംഗ് കമ്പനി സ്റ്റേജ്' എന്ന് പേരിട്ടിരിക്കുന്ന ഏഴാം ഘട്ടത്തിൽ ബൈത്ത് മുഹമ്മദ് ബിൻ ഖലീഫയിൽ നിന്ന് ആരംഭിച്ച് യുഎഇയിലെ ഏറ്റവും ഉയരമുള്ള രണ്ടാമത്തെ പർവതമായ ജബൽ ഹഫീത്തിന് മുകളിൽ റൈഡർമാർ ടൂർ അവസാനിപ്പിക്കും.
മത്സരത്തിന്റെ ഭാഗമായി ആദ്യഘട്ടത്തിൽ നാളെ ഉച്ചയ്ക്ക് 12 മണി മുതല് 12:15 വരെയും, രണ്ടാം ഘട്ടത്തിൽ 12:15 മുതല് 12:30 വരെയും, മൂന്നാം ഘട്ടത്തിൽ 12.30 മുതൽ 12.40 വരെയും തുടർന്ന് നാലാം ഘട്ടത്തിൽ ഉച്ചയ്ക്ക് 12.40 മുതൽ 1 മണി വരെയും റോഡ് അടച്ചിടും. അഞ്ചാം ഘട്ടത്തിൽ ഉച്ചയ്ക്ക് 1 മുതൽ 1.05 വരെയും ആറാം ഘട്ടത്തിൽ 1.05 മുതൽ 1.20 വരെയും ആയിരിക്കും നിയന്ത്രണം.
ഏഴാം ഘട്ടം ഉച്ചയ്ക്ക് 1.20 മുതൽ 1.35 വരെയും എട്ടാം ഘട്ടം 1.35 മുതൽ 1.45 വരെയും നടക്കും. ഒമ്പതാം ഘട്ടം ഉച്ചയ്ക്ക് 1.45 മുതൽ 2.10 വരെയും തുടർന്ന് പത്താം ഘട്ടം 2.10 മുതൽ 2.40 വരെയും നടക്കും. 11-ാം ഘട്ടം ഉച്ചയ്ക്ക് 2.40 മുതൽ 3 വരെയും 12-ാം ഘട്ടം 3 മുതൽ 3.15 വരെയും ആയിരിക്കും. 13-ാം ഘട്ടം 3.15 മുതൽ 3.20 വരെയും , 14-ാം ഘട്ടം 3.20 മുതൽ 4.10 വരെയും, 15-ാമത്തെയും അവസാനത്തെയും ഘട്ടം 4.10 മുതൽ 4.40 വരെയുമാണ് നിശ്ചയിച്ചിട്ടുള്ളത്.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F