February 18, 2024
February 18, 2024
അബുദാബി: യു.എ.ഇയിൽ പുരുഷ സൈക്ലിങ് മത്സരത്തിന്റെ ഭാഗമായി അല് ദഫ്ര മേഖലയിലെ മദീനത്ത് സായിദില് നാളെ (തിങ്കളാഴ്ച) ഉച്ചക്ക് 12.35 മുതല് വൈകീട്ട് 4.30 വരെ റോഡ് എട്ടു ഘട്ടങ്ങളിലായി അടച്ചിടുമെന്ന് സംയോജിത ഗതാഗതകേന്ദ്രം അറിയിച്ചു. മദീനത്ത് സായിദില് നിന്ന് ലിവ പാലസ് വരെയുള്ള 143 കിലോമീറ്റര് ദൂരത്തിലാണ് യു.എ.ഇ ടൂര് മെന്സ് സൈക്ലിങ് മത്സരത്തിന്റെ ആദ്യഘട്ടം നടക്കുന്നത്.
മത്സരത്തിന്റെ ഭാഗമായി ആദ്യഘട്ട റോഡ് അടച്ചിടല് നാളെ ഉച്ചക്ക് 12.35 മുതല് 1 മണി വരെയും, രണ്ടാം ഘട്ടം 1 മണി മുതല് 1.45 വരെയും, മൂന്നാം ഘട്ടം 1.45 മുതല് 1.55 വരെയും, നാലാം ഘട്ടം 1.55 മുതല് 2.15 വരെയും, അഞ്ചാം ഘട്ടം 2.15 മുതല് 3.05 വരെയും, ആറാം ഘട്ടം 3.05 മുതല് 3.30 വരെയും, ഏഴാം ഘട്ടം 3.30 മുതല് 3.40 വരെയും, എട്ടാമത്തെ ഘട്ടം 3.40 മുതല് 4.30 വരെയുമാണെന്ന് അധികൃതർ അറിയിച്ചു.
ഫെബ്രുവരി 19 മുതല് 25 വരെയാണ് പുരുഷന്മാരുടെ സൈക്കിളോട്ട മത്സരം. ഏഴു ഘട്ടങ്ങളിലായി 980 കിലോമീറ്റര് ദൂരമാണ് മത്സരാര്ഥികള് പിന്നിടേണ്ടത്.ജബല് ജൈസ്, ജബല് ഹഫീത് എന്നിവിടങ്ങളിലായി മൗണ്ടെയ്ന് സ്റ്റേജ് മത്സരങ്ങളും ടൂറിന്റെ ഭാഗമായി നടക്കുന്നുണ്ട്.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F