March 13, 2024
March 13, 2024
റാസൽഖൈമ: റാസൽഖൈമയിൽ റമദാൻ മാസത്തിൽ കടകൾക്ക് പുറത്ത് ഭക്ഷണം വിൽക്കുന്നത് റാസൽഖൈമ നഗരസഭ വിലക്കി. സമൂസ, കട്‌ലറ്റ് എന്നിവ ഉൾപ്പെടെയുള്ള പൊരിച്ചെടുക്കുന്ന ലഘുവിഭവങ്ങൾ സ്ഥാപനങ്ങൾക്ക് പുറത്ത് വിൽക്കുന്നതിനാണ് വിലക്ക്. നിയമം ലംഘിച്ചാൽ നടപടിയുണ്ടാകും. കൂടാതെ, ഭക്ഷ്യവസ്തുക്കൾ വിൽക്കുന്ന സ്ഥാപനങ്ങളിലും അറവുശാലകളിലും പരിശോധന കർശനമാക്കുമെന്നും പൊതു ആരോഗ്യ വകുപ്പ് തലവൻ ആദിൽ അൽ സുവൈദി അറിയിച്ചു.
ചിക്കൻ, പഴം-പച്ചക്കറി എന്നിവ സൂക്ഷിക്കുന്നത് ശാസ്ത്രീയമായും ശീതീകരിച്ച നിലയിലുമാണെന്ന് ഉറപ്പാക്കും. റസ്റ്റോറന്റുകൾ, കഫറ്റീരിയകൾ, അറബ് പൈതൃക ഭോജനശാലകൾ, കേറ്ററിങ് കമ്പനികൾ എന്നിവയ്ക്ക് പുറമേ സൂപ്പർ മാർക്കറ്റുകളിലും, ഹൈപ്പർ മാർക്കറ്റുകളിലും പരിശോധനയുണ്ടാകും. ആരോഗ്യ നിയമങ്ങൾ പാലിക്കുന്നത് ഉറപ്പാക്കാൻ വനിതാ, പുരുഷ പാർലറുകൾ, മൈലാഞ്ചി വിൽപ്പന കേന്ദ്രങ്ങൾ, ജിം, ഹുക്ക സൗകര്യമുള്ള കോഫി ഷോപ്പുകൾ എന്നിവിടങ്ങളിലും വരും ദിവസങ്ങളിൽ പരിശോധന നടത്തും.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
