February 13, 2024
February 13, 2024
ദുബായ്: യുഎഇയില് ഇന്നും കനത്ത മഴ തുടരുന്നു. രാജ്യത്തിന്റെ വിവിധ ഭാഗങ്ങളില് മഴ തുടരുന്ന പശ്ചാത്തലത്തില് അബുദാബി സെയ്ഹ് ഷുഐബ് പാലത്തില് ഗതാഗതം വഴിതിരിച്ചുവിട്ടതായി അബുദാബി പോലീസ് അറിയിച്ചു. വെള്ളക്കെട്ടിനെ തുടര്ന്ന് ദുബായ് ഷെയ്ഖ് സായിദ് റോഡില് ഉള്പ്പെടെ ഗതാഗതം വഴിതിരിച്ചുവിട്ടതായി ദുബായ് ആര്ടിഎയും എക്സിലൂടെ അറിയിച്ചു. മഴയെത്തുടര്ന്ന് യുഎഇയിലെ സ്കൂളുകള്ക്ക് ഇന്ന് (ഫെബ്രുവരി 13) ഓണ്ലൈന് ക്ലാസുകള് നടത്താനും നിര്ദേശം നല്കിയിട്ടുണ്ട്.
രാജ്യത്ത് പൊതു-സ്വകാര്യ മേഖലകളില് വര്ക്ക് ഫ്രം ഹോമിനും അധികൃതര് നിര്ദേശം നല്കിയിട്ടുണ്ട്. സര്ക്കാര് ജീവനക്കാര്ക്ക് വര്ക്ക് ഫ്രം ഹോം അനുവദിച്ചതായി യുഎഇ കാബിനറ്റ് കഴിഞ്ഞദിവസം പ്രഖ്യാപിച്ചിരുന്നു. മോശം കാലാവസ്ഥയില് വാഹനമോടിക്കുന്നവര്ക്ക് അധികൃതര് ജാഗ്രതാ നിര്ദേശവും നല്കിയിട്ടുണ്ട്. നിയമലംഘകര്ക്ക് കടുത്ത പിഴയും വാഹനം കണ്ടുകെട്ടുന്നത് അടക്കമുള്ള നിയമ നടപടികളും നേരിടേണ്ടിവരുമെന്നും അധികൃതര് മുന്നറിയിപ്പ് നല്കി.
അതേസമയം മഴയില് കേടുപാടുകള് സംഭവിച്ച വാഹനങ്ങള്ക്ക് മോട്ടോര് ഇന്ഷുറന്സ് ക്ലെയിമുകള് ഓണ്ലൈനായി ലഭിക്കുമെന്നും നേരിട്ട് പോലീസ് സ്റ്റേഷന് സന്ദര്ശിക്കേണ്ടതില്ലെന്നും ദുബായ് പോലീസ് അറിയിച്ചു. സര്ട്ടിഫിക്കറ്റുകള് ഓണ്ലൈനായി പ്രോസസ്സ് ചെയ്യുന്നതിനുള്ള നടപടിക്രമങ്ങള് പൂര്ത്തിയാക്കിയതായും ദുബായ് പോലീസ് അറിയിച്ചു.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്റൂം വാട്സ്ആപ്പ് ചാനലില് ജോയിന് ചെയ്യുക - https://whatsapp.com/channel/0029Va9k1sH3rZZiZHLfLm0F