November 20, 2023
November 20, 2023
ദുബായ്: യുഎഇയില് റഡാര് സാറ്റലൈറ്റുകള് വികസിപ്പിക്കാനും വിക്ഷേപിക്കാനുമുള്ള 'സിര്ബ്' പദ്ധതിക്ക് തുടക്കമായി. പദ്ധതിയുടെ പ്രരംഭഘട്ടം ആരംഭിച്ചതായി അബുദാബി കിരീടാവകാശിയും എക്സിക്യൂട്ടീവ് കൗണ്സില് ചെയര്മാനുമായ ഷെയ്ഖ് ഖാലിദ് ബിന് മുഹമ്മദ് അല് നഹ്യാനും ദുബായ് കിരീടാവകാശിയും എക്സിക്യൂട്ടീവ് കൗണ്സില് ചെയര്മാനുമായ ഷെയ്ഖ് ഹംദാന് ബിന് മുഹമ്മദ് അല് മക്തൂമും ചേര്ന്ന് പ്രഖ്യാപിച്ചു. സാറ്റലൈറ്റ് പദ്ധതിയില് വികസിപ്പാനുദ്ദേശിക്കുന്ന സാങ്കേതിക വിദ്യകളെക്കുറിച്ചും ചടങ്ങില് ഇരുവരും അവലോകനം ചെയ്തു.
മൂന്ന് സിന്തറ്റിക് അപ്പേര്ച്ചര് റഡാര് ഉപഗ്രഹങ്ങള് വികസിപ്പിക്കാനാണ് ലക്ഷ്യമിടുന്നത്. കാലാവസ്ഥ വ്യതിയാനം വിലയിരുത്താനും ഭൂമിയുടെ ഉപരിതല മാറ്റങ്ങള് മനസിലാക്കാവുന്ന രൂപത്തില് ചിത്രങ്ങള് പകര്ത്താനും ഉപഗ്രഹങ്ങള്ക്ക് സാധിക്കും. രാത്രിയും പകലും ഏത് കാലാവസ്ഥയിലും ചിത്രങ്ങള് പകര്ത്താന് കഴിയുമെന്നതാണ് ഉപഗ്രഹങ്ങളുടെ പ്രത്യേകത.
2026ഓടെ ആദ്യ ഉപഗ്രഹം വിക്ഷേപിക്കാനാണ് ലക്ഷ്യമിടുന്നത്. ഇതിനായുള്ള പദ്ധതിയില് സാറ്റലൈറ്റ് വികസിപ്പിക്കുന്നതിന് യുഎഇ ബഹിരാകാശ ഏജന്സി ഒരു വ്യവസായിക കണ്സോര്ഷ്യവും രൂപീകരിച്ചിട്ടുണ്ട്.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F