August 21, 2023
August 21, 2023
ദോഹ:ഖത്തർ ടൂറിസത്തിന് കീഴിൽ 2023 നവംബർ 20ന് ആരംഭിക്കുന്ന ഖത്തർ ട്രാവൽ മാർട്ട് (ക്യുടിഎം) പ്രദർശനത്തിൽ വൻ ജനപങ്കാളിത്തം പ്രതീക്ഷിക്കുന്നതായി സംഘാടകർ. നെക്സ്റ്റ്ഫെയേഴ്സ് ഫോർ എക്സിബിഷൻസ് ആൻഡ് കോൺഫെറെൻസസാണ് പരിപാടി സംഘടിപ്പിക്കുന്നത്.
60-ലധികം രാജ്യങ്ങളിൽ നിന്നുള്ള 200 എക്സിബിറ്റർമാരെയും 9,000 സന്ദർശകരേയുമാണ് ട്രാവൽ മാർട്ടിൽ പ്രതീക്ഷിക്കുന്നത്.
ത്രിദിന അന്തർദേശീയ കോൺഫറൻസ്, ഗ്ലോബൽ വില്ലേജ്, ഗാല ഡിന്നർ, ബി2ബി അവസരങ്ങൾ, അവാർഡ് ദാന ചടങ്ങുകൾ തുടങ്ങിയ അവസരങ്ങളും സന്ദർശകർക്ക് ഉപയോഗപ്പെടുത്താവുന്നതാണ്. 2021ൽ നടന്ന ക്യുടിഎം ഇവെന്റിന്റെ വൻ വിജയത്തിന് ശേഷം, ലോകത്തിന്റെ വിവിധ ഭാഗങ്ങളിൽ നിന്നുള്ള ടൂർ ആൻഡ് ട്രാവൽ കമ്പനികൾ പങ്കെടുക്കുന്ന പരിപാടിയിൽ കൂടുതൽ സന്ദർശകർ എത്തുമെന്നാണ് സംഘാടകർ പ്രതീക്ഷിക്കുന്നത്. സന്ദർശകർക്ക് ആഗോളതലത്തിൽ പുതിയ ബന്ധങ്ങൾ രൂപപ്പെടുത്താനും, ഖത്തറിന്റെ അനന്തമായ ടൂറിസം സാധ്യതകൾ തിരിച്ചറിയാനും അവസരം ഉപയോഗപ്പെടുത്താവുന്നതാണ്.
കർവയാണ് ട്രാൻസ്പോർട്ടേഷൻ സ്പോൺസർ. നവംബർ 20 മുതൽ നവംബർ 22 വരെ ദോഹ എക്സിബിഷൻ ആൻഡ് കൺവെൻഷൻ സെന്ററിലാണ് (ഡി.ഇ.സി.സി) പ്രദർശനം മേള നടക്കുക.
ന്യൂസ്റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/BrKVB5Ii85n26onvJMSO7R