August 24, 2023
August 24, 2023
ദോഹ : എയര്കണ്ടീഷനറിൽ ഒളിപ്പിച്ചു കടത്താൻ ശ്രമിച്ച 1000 ലിറിക്ക ഗുളികകൾ കസ്റ്റംസ് വിഭാഗം പിടികൂടി.
വിവിധ പാർട്സുകൾ വേർപെടുത്തി നടത്തിയ പരിശോധനയിലാണ് 1200 നിരോധിത ഗുളികകൾ പിടികൂടിയതെന്ന് കസ്റ്റംസ് വിഭാഗം അറിയിച്ചു.ഇതിന്റെ വീഡിയോ ദൃശ്യങ്ങളും അധികൃതർ സമൂഹ മാധ്യമങ്ങളിൽ പങ്കുവെച്ചിട്ടുണ്ട്.#جمارك_قطر #كافح pic.twitter.com/3SX8D9m0y4
— الهيئة العامة للجمارك (@Qatar_Customs) August 24, 2023
മയക്കുമരുന്ന് ഉപയോഗവും വിൽപനയും ഉൾപെടെ മയക്കുമരുന്നുമായി ബന്ധപ്പെട്ട കുറ്റകൃത്യങ്ങൾ തടയാൻ ആഭ്യന്തരമന്ത്രാലയം വിവിധ പദ്ധതികൾ നടപ്പാക്കി വരികയാണ്.ഇതിന്റെ ഭാഗമായി, മയക്കുമരുന്ന് ഉപയോഗം, വില്പ്പന, സൂക്ഷിക്കല്, ഇതുമായി ബന്ധപ്പെടുന്ന വാഹനങ്ങള് തുടങ്ങിയ വിവരങ്ങളെല്ലാം മെട്രാഷ് -2 വിലെ ഡ്രഗ് എന്ഫോഴ്സ്മെന്റ് ഒപ്ഷനില് പങ്കുവെക്കാൻ അവസരം ഒരുക്കിയിട്ടുണ്ട്.. ഇങ്ങനെ വിവരങ്ങള് കൈമാറുന്നവരുടെ പേരും വിലാസവും വെളിപ്പെടുത്തേണ്ടതില്ലെന്നും അധികൃതർ വ്യക്തമാക്കിയിരുന്നു.
ന്യൂസ്റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/7iFkiXrjqZbE8gsI6yASj9