March 20, 2024
March 20, 2024
ദോഹ: ദോഹയില് ചികിത്സയിലുള്ള പരിക്കേറ്റ ഫലസ്തീനികൾ അവരുടെ ബന്ധുക്കളുമായി ഒത്തുച്ചേർന്നതായി ഖത്തര് വിദേശകാര്യ മന്ത്രാലയം പ്രഖ്യാപിച്ചു. തുര്ക്കിയുടെ സഹകരണത്തോടെയാണ് ഇത് സാധ്യമായതെന്ന് മന്ത്രാലയം വ്യക്തമാക്കി. 1,500 ഫലസ്തീനികള്ക്ക് ചികിത്സ നല്കാനുള്ള ഖത്തര് അമീറിന്റെ നിര്ദേശപ്രകാരമാണ് പരിക്കേറ്റ ഫല്സതീനികളെ ചികിത്സയ്ക്കായി ദോഹയിലെത്തിച്ചത്.
ദോഹയിലെ തുർക്കി അംബാസഡർ ഡോ. മുസ്തഫ ഗോക്സു, വിദേശകാര്യ മന്ത്രാലയത്തിലെ അന്താരാഷ്ട്ര സഹകരണ സഹമന്ത്രിയുടെ ഓഫീസ് ഡയറക്ടർ ഹമദ് യൂസഫ് അഹമ്മദ് റാഷിദ് അൽ മാലികി എന്നിവരാണ് പരിക്കേറ്റവരെ സ്വീകരിച്ചത്.
തുർക്കിയുടെ സഹകരണത്തിനും, പരിക്കേറ്റവരെ അവരുടെ ബന്ധുക്കളുമായി വീണ്ടും ഒന്നിപ്പിക്കാൻ സഹായിച്ചതിനും വിദേശകാര്യ മന്ത്രാലയത്തിലെ അന്താരാഷ്ട്ര സഹകരണ സഹമന്ത്രി ലുൽവ ബിൻത് റാഷിദ് അൽ ഖാതർ ഖത്തറിൻ്റെ നന്ദിയും അഭിനന്ദനവും അറിയിച്ചു.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F