February 04, 2024
February 04, 2024
ദുബായ്: ദുബായ് അന്താരാഷ്ട്ര വിമാനത്താവളത്തില്‍ (ഡിഎക്‌സ്ബി) ലഗേജുകള്‍ വില്‍ക്കുന്നതായി അവകാശപ്പെട്ടുള്ള വ്യാജ വാര്‍ത്തകളില്‍ അധികൃതര്‍ പൊതുജനങ്ങള്‍ക്ക് ജാഗ്രതാ നിര്‍ദേശം നല്‍കി. വിമാനത്താവളത്തില്‍ ക്ലെയിം ചെയ്യാത്തതോ നഷ്ടപ്പെട്ടതോ ആയ ലഗേജുകള്‍ എട്ട് ദിര്‍ഹത്തിന് വില്‍ക്കുന്നതായാണ് വ്യാജ പ്രചാരണം. ഇന്‍സ്റ്റഗ്രാം, ഫെയ്‌സ്ബുക്ക് ഉള്‍പ്പെടെയുള്ള സാമൂഹിക മാധ്യമങ്ങളിലൂടെയാണ് വ്യാജ പരസ്യങ്ങള്‍ പ്രചരിപ്പിക്കുന്നത്.
അതേസമയം വിമാനത്താവളം ഇത്തരത്തിലുള്ള പരസ്യങ്ങളൊന്നും നല്‍കിയിട്ടില്ലെന്നും സംശയാസ്പദമായ പരസ്യങ്ങള്‍ പിന്‍തുടരരുതെന്നും അതേറിറ്റി മുന്നറിയിപ്പ് നല്‍കി. ലഗേജുകള്‍ നീക്കം ചെയ്യുന്നതിന് കൃത്യമായ ക്രമീകരണങ്ങള്‍ ഒരുക്കിയിട്ടുണ്ട്. വിമാനത്താവളത്തിലെ ബാഗേജ് ഹാന്‍ഡ്‌ലിംഗ് സിസ്റ്റം നൂതന സംവിധാനങ്ങളിലൂടെ ലഗേജുകളുടെ കൃത്യത ഉറപ്പാക്കുന്നുണ്ടെന്നും അധികൃതര്‍ വ്യക്തമാക്കി. എയര്‍പോര്‍ട്ട് വെയര്‍ഹൗസുകള്‍ വൃത്തിയാക്കുന്നതിന്റെ ഭാഗമായി ആറ് മാസത്തിലേറെയായി സൂക്ഷിച്ചിരിക്കുന്ന ലഗേജുകള്‍ വില്‍ക്കുന്നതായാണ് വ്യാജ പരസ്യം പ്രചരിക്കുന്നത്.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/KIGk615xlF1ILlMGxpUXqI
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
