September 04, 2023
September 04, 2023
ദോഹ: ഖത്തറിൽ നിയമലംഘനങ്ങൾക്ക് പൊലീസ് കസ്റ്റഡിയിലെടുത്ത വാഹനങ്ങൾ നടപടിക്രമങ്ങൾ പൂർത്തിയാക്കി തിരിച്ചെടുക്കണെമെന്ന് ജനറൽ ഡയറക്ടറേറ്റ് ഓഫ് ട്രാഫിക് വിഭാഗം മുന്നറിയിപ്പ് നൽകി.ഉടമകൾക്ക് വാഹനങ്ങൾ തിരികെ ലഭിക്കാൻ ഇൻഡസ്ട്രിയൽ ഏരിയയിലെ ട്രാഫിക് ഇൻവെസ്റ്റിഗേഷൻ വിഭാഗത്തെയാണ് സമീപിക്കേണ്ടത്.
മൂന്ന് മാസത്തിലേറെയായി കസ്റ്റഡിയിലുള്ള വാഹനങ്ങൾ തിരിച്ചെടുക്കാൻ സെപ്റ്റംബർ 4 (തിങ്കളാഴ്ച) മുതൽ 30 ദിവസത്തിനകം വാഹന ഉടമകൾ ട്രാഫിക് വകുപ്പിനെ സമീപിക്കേണ്ടതാണ്. പിഴയും ഗ്രൗണ്ട് ഫീസും അടച്ച് വാഹനങ്ങൾ തിരികെ സ്വീകരിക്കുന്നതിനുള്ള നടപടിക്രമങ്ങൾ ഇൻഡസ്ട്രിയൽ ഏരിയ സ്ട്രീറ്റ് നമ്പർ 52 ലെത്തി പൂർത്തിയാക്കണമെന്നും അധികൃതർ അറിയിച്ചു.
അതേസമയം, വാഹനങ്ങളുടെ ഉടമകൾ നിശ്ചിത കാലയളവിനുള്ളിൽ ഹാജരായില്ലെങ്കിൽ വാഹനങ്ങൾ പൊതു ലേലത്തിൽ വിൽപ്പനയ്‌ക്കായി പ്രദർശിപ്പിക്കുമെന്നും അധികൃതർ മുന്നറിയിപ്പ് നൽകി.
ന്യൂസ്‌റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/7iFkiXrjqZbE8gsI6yASj9
