January 28, 2024
January 28, 2024
അബുദാബി: അബുദാബിയിൽ ട്രാഫിക് നിയമങ്ങളിൽ മാറ്റം. ശൈഖ് ഖലീഫ ബിന് സായിദ് ഇന്റര്നാഷനല് സ്ട്രീറ്റില് വലിയ വാഹനങ്ങള്ക്ക് മറി കടക്കാൻ അനുമതി നൽകി. വലതുവശത്തെ രണ്ടാമത്തെ ലൈനിലാണ് വലിയ വാഹനങ്ങള്ക്ക് ഓവര്ടേക്കിങ്ങിന് അനുമതി നല്കിയിരിക്കുന്നത്. നാളെ (ജനുവരി 29) മുതലാണ് പുതിയ നിയമം പ്രാബല്യത്തില് വരുന്നത്.
ബെനോന ബ്രിഡ്ജില് നിന്ന് ഇകാദ് ബ്രിഡ്ജിലേക്കും തിരിച്ചുമുള്ള പാതയിലാണ് നിയമത്തിൽ ഇളവ് നൽകിയത്. സ്വന്തം സുരക്ഷിതത്വത്തിനും മറ്റ് വാഹനങ്ങളുടെ സുരക്ഷയും കണക്കിലെടുത്ത് മാര്ഗനിര്ദേശങ്ങള് കര്ശനമായി പാലിക്കണമെന്ന് വലിയ വാഹനങ്ങളുടെ ഡ്രൈവര്മാരോട് അധികൃതര് ആവശ്യപ്പെട്ടു.
ഓവര്ടേക്കിങ് നടത്താത്തപ്പോള് റോഡിന്റെ വലത്തേ ലൈനിലൂടെ മാത്രമേ വലിയ വാഹനങ്ങള് സഞ്ചരിക്കാവൂ. ഓവര്ടേക്കിങ് നടത്തുമ്പോള് റിയര്വ്യൂ മിററില് നോക്കി ബ്ലൈന്ഡ് സ്പോട്ട് (കണ്ണാടിയില് നോക്കിയാലും കാണാത്ത ഇടം) ഇല്ലെന്ന് ഉറപ്പാക്കിയാണ് ഓവര്ടേക്ക് ചെയ്യേണ്ടത്. സിഗ്നല് നല്കി ഓവര്ടേക്കിങ് നടത്തിയ ശേഷം പഴയ ലൈനിലേക്ക് തിരിച്ചുകയറി യാത്ര തുടരണം. ട്രാഫിക് പട്രോളുകളിലൂടെയും സ്മാര്ട്ട് സംവിധാനങ്ങളിലൂടെയും ഗതാഗതം നിരീക്ഷിക്കുകയും നിയമലംഘനം നടത്തുന്നവരില് നിന്ന് പിഴ ഈടാക്കുകയും ചെയ്യുമെന്നും അധികൃതര് മുന്നറിയിപ്പ് നല്കി.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/KIGk615xlF1ILlMGxpUXqI
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F