November 25, 2023
November 25, 2023
അബുദാബി: ഓണ്ലൈനിലൂടെയുള്ള തൊഴില് തട്ടിപ്പുകളില് അബുദാബി പോലീസ് പൊതുജനങ്ങള്ക്ക് മുന്നറിയിപ്പ് നല്കി. വ്യാജ ഓണ്ലൈന് വില്പനയിലും തട്ടിപ്പുകളിലും രാജ്യത്തെ തൊഴിലന്വേഷകര് ജാഗ്രത പാലിക്കണമെന്നും അബുദാബി പോലീസ് നിര്ദേശിച്ചു. അത്യാധുനിക സാങ്കേതിക വിദ്യ ഉപയോഗിച്ചുള്ള തട്ടിപ്പുകള് വ്യാപകമായ പശ്ചാത്തലത്തിലാണ് മുന്നറിയിപ്പ്.
നിയമാനുസൃതമായ റിക്രൂട്ട്മെന്റ് സ്ഥാപനങ്ങള് എന്ന വ്യാജേന സാമൂഹിക മാധ്യമങ്ങളിലൂടെ തൊഴിലന്വേഷകരെ കബളിപ്പിച്ച് പണം തട്ടുന്നതാണ് രീതി. സാമൂഹിക മാധ്യമങ്ങളിലൂടെയുള്ള ഓണ്ലൈന് പേയ്മെന്റ് ഷോപ്പിംഗിലും പോലീസ് മുന്നറിയിപ്പ് നല്കിയിട്ടുണ്ട്.
ഫോണ് കോളുകള്, മെസേജുകള്, എസ്എംഎസുകള് എന്നിവയിലൂടെയുള്ള തട്ടിപ്പുകളാണ് കൂടുതലായുള്ളത്. ഇത്തരത്തിലുള്ള സന്ദര്ഭത്തില് അക്കൗണ്ട്, ബാങ്കിംഗ് വിവരങ്ങള്, പാസ്വേര്ഡുകള്, തുടങ്ങിയ രഹസ്യവിവരങ്ങള് ഒരുകാരണവശാലും പങ്കിടരുതെന്നും അബുദാബി പോലീസ് അറിയിച്ചു. നിയമാനുസൃതമായ ബാങ്ക് ജീവനക്കാര് ഇത്തരം വിവരങ്ങള് ആവശ്യപ്പെടില്ലെന്നും പോലീസ് ഓര്മിപ്പിച്ചു.
വ്യാജ സന്ദേശങ്ങളോ അജ്ഞാത കോളുകളോ ലഭിച്ചാല് പോലീസില് വിവരമറിയിക്കാനും അബുദാബി പോലീസ് അഭ്യര്ത്ഥിച്ചു. 8002626 എന്ന നമ്പറില് ബന്ധപ്പെടുകയോ 2828 എന്ന നമ്പറിലേക്ക് സന്ദേശം അയക്കുകയോ ചെയ്യാം.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F