September 16, 2023
September 16, 2023
കോഴിക്കോട് : കോഴിക്കോട് നിപ്പ സ്ഥിരീകരിച്ചതിനെ തുടർന്ന് ജില്ലയിൽ എല്ലാ വിദ്യാഭ്യാസ സ്ഥാപനങ്ങൾക്കും ഒരാഴ്ച കൂടി അവധി പ്രഖ്യാപിച്ചു. ക്ലാസ്സുകൾ ഓൺലൈനായി നടത്തുമെന്നും ആരോഗ്യമന്ത്രി വീണാ ജോര്‍ജ് അറിയിച്ചു. പ്രഫഷനൽ കോളജുകൾ ഉൾപ്പെടെയുള്ള വിദ്യാഭ്യാസ സ്ഥാപനങ്ങൾക്ക് അവധി ബാധകമായിരിക്കുമെന്നും അധികൃതർ വ്യക്തമാക്കി.
കോഴിക്കോട്ട് പുതിയ കണ്ടെയ്നമെന്റ് സോണുകള്‍ പ്രഖ്യാപിച്ചിട്ടുണ്ട്. കോഴിക്കോട് കോര്‍പറേഷനിലെ 43, 44, 45, 46, 47, 48, 51 വാര്‍ഡുകളാണ് കണ്ടെയ്ന്‍മെന്റ് സോണുകള്‍. ഫറോക് നഗരസഭയിലെ എല്ലാ വാര്‍ഡുകളും കണ്ടെയ്ന്‍മെന്റ് സോണുകളാണ്. 1080 പേരാണ് സമ്പര്‍ക്ക പട്ടികയിലുള്ളത്.
അതേസമയം, നിപയുടെ ലക്ഷണത്തെ തുടര്‍ന്ന് നാദാപുരത്ത് 13കാരനെ കൂടി കോഴിക്കോട് മെഡിക്കല്‍ കോളേജിലെ ഐസൊലേഷന്‍ വാര്‍ഡിലേക്ക് മാറ്റി. കടുത്ത പനിയും ചുമയും അനുഭവപ്പെട്ട കക്കംവെള്ളി സ്വദേശിയെയാണ് മെഡിക്കല്‍ കോളേജിലേക്ക് കൊണ്ടുപോയത്. മരുതോങ്കരയില്‍ നിപ ബാധിച്ച് മരിച്ച ആളുടെ സമ്പര്‍ക്ക പട്ടികയിലുള്ള കുടുംബാംഗമാണ് ഈ കുട്ടി.
ആറ് നിപ കേസുകളാണ് ഇതുവരെ സ്ഥിരീകരിച്ചത്. രണ്ട് പേര്‍ മരിച്ചിട്ടുമുണ്ട്. 83 പേരുടെ പരിശോധനാ ഫലം നെഗറ്റീവാണ്. കോഴിക്കോട് നഗരത്തില്‍ നിപ്പാ കേസുകള്‍ റിപ്പോര്‍ട്ട് ചെയ്തതോടെ നിയന്ത്രണങ്ങള്‍ കര്‍ശനമാക്കി.കേന്ദ്ര സംഘം ഇന്നലെ കോഴിക്കോട് സന്ദര്‍ശനം നടത്തിയിരുന്നു.
ന്യൂസ്‌റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/G3GYQhfaTLoDVK1Qr9fc5G
