December 27, 2023
December 27, 2023
ഷാര്ജ: ഷാര്ജയില് ഇത്തവണ പുതുവത്സരാഘോഷങ്ങള് നിരോധിച്ചതായി ഷാര്ജ പോലീസ് അറിയിച്ചു. വെടിക്കെട്ടുകള്ക്കും നിരോധനമേര്പ്പെടുത്തി. ഗസയ്ക്ക് ഐക്യദാര്ഢ്യം പ്രഖ്യാപിച്ച് കഴിഞ്ഞദിവസമാണ് പോലീസ് നിരോധനാജ്ഞ പ്രഖ്യാപിച്ചത്. എല്ലാ സ്ഥാപനങ്ങളും വ്യക്തികളും സഹകരിക്കണമെന്നും നിയമ ലംഘകര്ക്കെതിരെ നിയമനടപടി സ്വീകരിക്കുമെന്നും ഷാര്ജ പോലീസ് വ്യക്തമാക്കി.
അതേസമയം ദുബായിലെ ഗ്ലോബല് വില്ലേജിലെ പുതുവത്സരാഘോഷങ്ങള്ക്ക് തടസ്സമില്ല. രാത്രി എട്ട് മണിമുതല് പുലര്ച്ചെ ഒരു മണിവരെ ആഘോഷങ്ങള് നടക്കുമെന്ന് അധികൃതര് സ്ഥിരീകരിച്ചു. ഗ്ലോബല് വില്ലേജിന് പുറമെ ബുര്ജ് ഖലീഫ, ഹത്ത, പാം ജുമൈറ, ബുര്ജ് അല് അറബ്, അല് സീഫ്, ബ്ലൂ വാട്ടേഴ്സ് എന്നിവിടങ്ങളിലും ആഘോഷപരിപാടികള് നടക്കും. ബുര്ജ് ഖലീഫയിലെ ആഘോഷപരിപാടികളുടെ ടിക്കറ്റുകള് ഇതിനോടകം വിറ്റുതീര്ന്നതായാണ് റിപ്പോര്ട്ട്.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F