February 29, 2024
February 29, 2024
ദുബായ്: ദുബായില്‍ സ്‌കൂളുകളിലേയും സര്‍വകലാശാലകളിലേയും വിദ്യാര്‍ത്ഥികള്‍ക്ക് പൊതുഗതാഗത സംവിധാനങ്ങളില്‍ പ്രത്യേക ഇളവുകള്‍ അനുവദിക്കാന്‍ തീരുമാനം. വിദ്യാര്‍ത്ഥികള്‍ക്ക് 70 ശതമാനം ഇളവുകള്‍ വാഗ്ദാനം ചെയ്യുന്ന പുതിയ നോള്‍ കാര്‍ഡുകള്‍ പുറത്തിറക്കുമെന്ന് ദുബായ് റോഡ്‌സ് ആന്റ് ട്രാന്‍സ്‌പോര്‍ട്ട് അതോറിറ്റി(ആര്‍ടിഎ) അറിയിച്ചു. പുതിയ നോള്‍ കാര്‍ഡുകള്‍ പുറത്തിറക്കാനുള്ള ധാരണാപത്രത്തില്‍ ആര്‍ടിഎയും ഇന്റര്‍നാഷണല്‍ സ്റ്റുഡന്റ് ഐഡന്റിറ്റി കാര്‍ഡ് അസോസിയേഷനും ഒപ്പുവെച്ചു.
യൂണിവേഴ്‌സിറ്റി കാന്റീനുകള്‍, റീട്ടെയില്‍ ഔട്ട്‌ലെറ്റുകള്‍ എന്നിവിടങ്ങളില്‍ സാധനം വാങ്ങുമ്പോള്‍ എഴുപത് ശതമാനം വിലക്കിഴിവും പ്രമോഷന്‍ ഓഫറുകളും വിദ്യാര്‍ത്ഥികള്‍ക്ക് ലഭിക്കും. പുതിയ അധ്യായന വര്‍ഷം മുതല്‍ പുതിയ നോള്‍ കാര്‍ഡുകള്‍ പുറത്തിറക്കാനാണ് ലക്ഷ്യമിടുന്നത്. മെട്രോ, ട്രാം, ബസുകള്‍, മറൈന്‍ ഗതാഗതം എന്നിവയില്‍ ആനുകൂല്യങ്ങള്‍ ലഭിക്കും. നോള്‍ പേ ആപ്പ് വഴി അപേക്ഷിക്കുന്ന വിദ്യാര്‍ത്ഥികള്‍ക്ക് കാര്‍ഡുകള്‍ വീടുകളിലേക്കും ഡെലിവറി ചെയ്യും.
ന്യൂസ്റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്റൂം വാട്‌സ്ആപ്പ് ചാനലില്‍ ജോയിന്‍ ചെയ്യുക - https://whatsapp.com/channel/0029Va9k1sH3rZZiZHLfLm0F
