February 01, 2024
February 01, 2024
ദോഹ: ഖത്തറിൽ പുതിയ മിലിട്ടറി മെഡിക്കൽ സിറ്റി ആശുപത്രി തുറന്നു. ആഭ്യന്തര സഹമന്ത്രി ഷെയ്ഖ് അബ്ദുൽ അസീസ് ബിൻ ഫൈസൽ അൽതാനിയാണ് ഉദ്ഘാടനം ചെയ്‌തത്‌.
ഖത്തർ സായുധ സേനയിലെ അംഗങ്ങൾക്കും രാജ്യത്തെ സൈനിക, സുരക്ഷാ അധികാരികൾക്കും അവരുടെ കുടുംബങ്ങൾക്കും ഏറ്റവും മികച്ച വൈദ്യസഹായം ലഭ്യമാക്കുക എന്ന ലക്ഷ്യത്തോടെയാണ് പുതിയ ആശുപത്രി ആരംഭിച്ചത്. ഔട്ട്‌പേഷ്യൻ്റ് ക്ലിനിക്കുകൾക്കുള്ള കെട്ടിടം, ഇൻ്റഗ്രേറ്റഡ് എമർജൻസി കെട്ടിടം, 10 ഓപ്പറേറ്റിംഗ് റൂമുകൾ, 36 തീവ്രപരിചരണ മുറികൾ, 400 രോഗികളുടെ മുറികൾ, ഒരു പുനരധിവാസ കേന്ദ്രം, ആംബുലൻസ് ഹെലികോപ്റ്ററുകൾക്കുള്ള ലാൻഡിംഗ് ഏരിയ എന്നിവയും ആശുപത്രിയിലുണ്ട്.
ഉപപ്രധാനമന്ത്രിയും പ്രതിരോധ കാര്യ സഹമന്ത്രിയുമായ ഡോ. ഖാലിദ് ബിൻ മുഹമ്മദ് അൽ അത്തിയ, പൊതുജനാരോഗ്യ മന്ത്രി ഡോ. ഹനാൻ മുഹമ്മദ് അൽ കുവാരി, ഖത്തർ സായുധസേനാ ചീഫ് ഓഫ് സ്റ്റാഫ് ലെഫ്റ്റനൻ്റ് ജനറൽ (പൈലറ്റ്) സലേം ബിൻ ഹമദ് ബിൻ അഖീൽ അൽ നബിത്, ഖത്തറിലെ ഫെഡറൽ റിപ്പബ്ലിക് ഓഫ് ജർമനിയുടെ അംബാസഡർ ലോതർ ഫ്രീഷ്‌ലാഡർ, മറ്റ് നിരവധി മുതിർന്ന ഉദ്യോഗസ്ഥരും ചടങ്ങിൽ പങ്കെടുത്തു.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/KIGk615xlF1ILlMGxpUXqI
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
