October 04, 2023
October 04, 2023
ദോഹ: ആലപ്പുഴ ജില്ലാ പ്രവാസി അസോസിയേഷന്‍ (അജ്പാക്) ഖത്തറില്‍ സംഘടിപ്പിക്കുന്ന ട്യൂണ്‍സ് ഇന്‍ ഡ്യൂണ്‍സ് ശ്വേതാ മോഹന്‍ ലൈവ് ഇന്‍ ഖത്തര്‍ ഒക്ടോബര്‍ 6ന് നടക്കും. വൈകിട്ട് 7 മണിക്ക് ദോഹയിലെ ആസ്‌പെയര്‍ ലേഡീസ് സ്‌പോര്‍ട്‌സ് ഹാളിലാണ് പരിപാടി. ശ്വേതാമോഹന്‍ ആദ്യമായി ഫുള്‍ ബാന്‍ഡുമായി എത്തുന്ന സംഗീത നിശയില്‍ ലിറ്റില്‍ സ്റ്റാര്‍ സിങ്ങര്‍ ഋതുരാജും സംഗീതമാന്ത്രികന്‍ ബെന്നറ്റും മാറ്റുരയ്ക്കും.
ഇന്ത്യന്‍ അംബാസിഡര്‍ വിപുല്‍ മുഖ്യാതിഥിയായിരിക്കും. മലയാളം, തമിഴ്, ഹിന്ദി ഭാഷകളിലെ ഗാനങ്ങള്‍ കോര്‍ത്തിണക്കി മൂന്ന് മണിക്കൂര്‍ നീണ്ടുനില്‍ക്കുന്ന സംഗീതനിശ മുഴുവന്‍ സംഗീത പ്രേമികള്‍ക്കും ആസ്വദിക്കാവുന്ന തരത്തിലായിരിക്കും. വൈകിട്ട് 5 മണി മുതല്‍ പ്രവേശനം ആരംഭിക്കും. ടിക്കറ്റുകള്‍ ക്യൂ ടിക്കറ്റ് വെബ്‌സൈറ്റിലും ഹെന്നീസ് ഫ്രൈഡ് ചിക്കന്‍, റൊട്ടാന റെസ്റ്റോറന്റ് ഔട്ടലെറ്റുകളിലും ലഭ്യമാണ്.
സ്‌കോഡ കാര്‍സാണ് പരിപാടിയുടെ ടൈറ്റില്‍ സ്‌പോണ്‍സര്‍. പല്ലായി കിച്ചന്‍ ഇന്‍ഡസ്ട്രീസ്, റീജന്‍സി ഹോള്‍ഡിങ്‌സ്, റൊട്ടാന റെസ്റ്റോറന്റ്, ലുലു ഹൈപ്പര്‍മാര്‍ക്കറ്റ്, റ്റീ ടൈം, ഫാല്‍ക്കണ്‍ എയര്‍കണ്ടീഷണേഴ്‌സ്, ഗള്‍ഫാര്‍ അല്‍ മിസ്‌നദ് എന്നിവരാണ് പരിപാടിയുടെ മറ്റ് സ്‌പോണ്‍സര്‍മാര്‍.
സംഗീത നിശയുടെ ഒരുക്കങ്ങള്‍ പൂര്‍ത്തിയായതായി സംഘാടകര്‍ വാര്‍ത്താസമ്മേളനത്തില്‍ അറിയിച്ചു. അജ്പാക് ചീഫ് പാട്രണ്‍ മുഹമ്മദ് ഷാനവാസ്, ജനറല്‍ സെക്രട്ടറി പ്രേമ ശരത്, ഉപദേശക സമിതി അംഗം എബ്രഹാം മാത്യു, പ്രോഗ്രാം കോര്‍ഡിനേറ്റര്‍ ഷൈജു ധമനി, സ്‌കോഡ കാര്‍സ് മാര്‍ക്കറ്റിംഗ് മാനേജര്‍ മൊഹ്ലെസ് മഹ്‌മൂദി, ഫാല്‍ക്കണ്‍ എയര്‍ കണ്ടീഷനര്‍ ചെയര്‍മാന്‍ അബ്ദുള്‍ റൗഫ് തുടങ്ങിയവര്‍ വാര്‍ത്താസമ്മേളനത്തില്‍ പങ്കെടുത്തു.
ന്യൂസ്‌റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/FSQLmJGMow51SCIIBEEcWV
