January 20, 2024
January 20, 2024
ദോഹ: ഖത്തറില് ഇമെയില് തട്ടിപ്പുകള്ക്കെതിരെ മുന്നറിയിപ്പുമായി ഗതാഗത മന്ത്രാലയം. നിങ്ങളുടെ പാര്സല് ഡെലിവറിക്ക് തയ്യാറാണെന്നും, വ്യാജ ലിങ്കിലൂടെ ഡെലിവറി ചാര്ജുകള് ക്രെഡിറ്റ് കാർഡ് അല്ലെങ്കില് ഡെബിറ്റ് കാര്ഡുകള് വഴി 24 മണിക്കൂറിനകം അടക്കണമെന്നുമാണ് ഇമെയിലിൽ ആവശ്യപ്പെടുന്നത്. പൊതുജനങ്ങള്ക്ക് പാര്സലുകളൊന്നും മന്ത്രാലയം അയക്കുന്നില്ലെന്നും, ഇത്തരം വഞ്ചനാപരമായ ഇമെയിലുമായി ഇടപഴകരുതെന്നും മന്ത്രാലയം വ്യക്തമാക്കി.
“പ്രിയ ഉപഭോക്താവേ, നിങ്ങൾക്ക് ഒരു പാക്കേജ് കാത്തിരിക്കുന്നു. നിർഭാഗ്യവശാൽ, ഞങ്ങൾക്ക് ഇതുവരെ നിങ്ങളുടെ പേയ്മെന്റ് സ്ഥിരീകരിക്കാൻ കഴിയുന്നില്ല. അതിനാൽ ചുവടെയുള്ള ലിങ്ക് വഴി ഷിപ്പിംഗ് ഫീസായ ഖത്തർ റിയാൽ 12.99 അടക്കണം. പേയ്മെന്റ് പ്രക്രിയ പൂർത്തിയായി കഴിഞ്ഞാൽ, അടുത്ത ദിവസം രാവിലെ നിങ്ങൾക്ക് പാർസൽ സ്വീകരിക്കാനാകും. പേയ്മെന്റ് ലിങ്ക് 24 മണിക്കൂർ മാത്രമേ ലഭ്യമാകൂ. പേയ്മെന്റിലേക്ക് തുടരാൻ, ഇവിടെ ക്ലിക്ക് ചെയ്യുക,” മന്ത്രാലയത്തിന്റെ സോഷ്യൽ മീഡിയ അക്കൗണ്ടിലൂടെ പങ്കിട്ട വഞ്ചനാപരമായ ഇമെയിലിന്റെ ഉദാഹരണത്തിൽ പറയുന്നു.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/KIGk615xlF1ILlMGxpUXqI
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F