April 27, 2024
April 27, 2024
ദോഹ: ഖത്തറിലെ എം.ഇ.എസ് ഇന്ത്യൻ സ്കൂൾ പുതിയ റേഡിയോ സ്റ്റേഷൻ ആരംഭിച്ചു. 19.74 FM എന്ന പേരിലാണ് റേഡിയോ സ്റ്റേഷൻ ആരംഭിച്ചത്. വിവരങ്ങൾ പങ്കിടുക, വിദ്യാർത്ഥികൾക്കിടയിൽ സർഗ്ഗാത്മകത വളർത്തിയെടുക്കുക, കൂടുതൽ ശക്തമാക്കുക, സ്കൂളിനുള്ളിലെ സാമുദായിക ബോധം ശക്തപ്പെടുത്തുക, തുടങ്ങിയവ ലക്ഷ്യമിട്ടാണ് തീരുമാനം. സ്കൂളിൻ്റെ സുവർണ ജൂബിലി വാർഷികാഘോഷത്തോടനുബന്ധിച്ചാണ് പ്രഖ്യാപനമുണ്ടായത്.
സ്കൂളിന്റെ ഹെഡ് പ്രിഫെക്റ്റ് മാസ്റ്റർ ആര്യൻ ഉണ്ണികൃഷ്ണൻ്റെ സ്വാഗത പ്രസംഗത്തോടെയാണ് ലോഞ്ച്-പ്രോഗ്രാം ആരംഭിച്ചത്. 'ദി ആർജെ' മത്സരത്തിലെ ഫൈനലിസ്റ്റുകളെയും പരിപാടിയിൽ ആദരിച്ചു. റേഡിയോയുടെ ലോഗോ പ്രകാശനവും നടന്നു. ക്യുഎഫ്എം റേഡിയോ നെറ്റ്വർക്കിന്റേയും VOK കമ്മ്യൂണിക്കേഷന്സിന്റെ സഹസ്ഥാപകനും സിഇഒയുമായ അൻവർ ഹുസൈൻ മുഖ്യാതിഥിയായി പങ്കെടുത്തു.. യുവാക്കൾക്കിടയിൽ റേഡിയോ ഉണ്ടാക്കുന്ന സ്വാധീനത്തെക്കുറിച്ചും, സാധ്യതകളെ കുറിച്ചും അദ്ദേഹം സംസാരിച്ചു.
ഖത്തറിലെ പ്രശസ്ത റേഡിയോ സ്റ്റേഷനായ റേഡിയോ സുനോ 91.7 എഫ്എമ്മിലെ ആർജെ അഷ്ടമിയായിരുന്നു ദി ഗസ്റ്റ് ഓഫ് ഓണർ.
വിദ്യാർഥികളോട് റേഡിയോ പരിപാടികളിൽ പങ്കെടുക്കാൻ എംഇഎസ് ഇന്ത്യൻ സ്കൂൾ പ്രിൻസിപ്പൽ ഡോ.ഹമീദ കാദറും ആവശ്യപ്പെട്ടു. വിദ്യാർഥികളുടെ നൃത്താവിഷ്കാരവും അരങ്ങേറി.ഹെഡ് ഗേൾ ഷെസ ഫാത്തിമ നന്ദി പറഞ്ഞു.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/Iq3CVicSDrS1LvIBvvkToc
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F