December 24, 2023
December 24, 2023
അബുദാബി: അബുദാബിയില്‍ ഷെയ്ഖ് സായിദ് ബ്രിഡ്ജ് മുതല്‍ ഷെയ്ഖ് സായിദ് ടണല്‍ വരെയുള്ള ( അല്‍ ഖുര്‍ം സ്ട്രീറ്റ് ) ഷെയ്ഖ് സായിദ് ബിന്‍ സുല്‍ത്താന്‍ സ്ട്രീറ്റില്‍ തൊഴിലാളികളുടെ ബസുകള്‍ക്ക് നിരോധനമേര്‍പ്പെടുത്തി. 26 ല്‍ കൂടുതല്‍ യാത്രക്കാരുള്ള ബസുകള്‍ക്കാണ് നിരോധനമേര്‍പ്പെടുത്തിയതെന്ന് അബുദാബി പോലീസും ഇന്റഗ്രേറ്റഡ് ട്രാന്‍സ്‌പോര്‍ട്ട് സെന്ററും സംയുക്തമായി അറിയിച്ചു. ഗതാഗതക്കുരുക്ക് ഒഴിവാക്കുന്നതും അപകടങ്ങള്‍ കുറയ്ക്കുന്നതും ലക്ഷ്യമിട്ടാണ് നടപടി.
നിയമങ്ങള്‍ കര്‍ശനമായി പാലിക്കണമെന്നും മറ്റ് റൂട്ടുകള്‍ ഉപയോഗിക്കണമെന്നും അബുദാബി പോലീസ് അറിയിച്ചു. റോഡുകളില്‍ നിയന്ത്രണങ്ങള്‍ കര്‍ശനമാക്കും. സ്മാര്‍ട്ട് സംവിധാനങ്ങള്‍ വഴി നിയമലംഘനങ്ങള്‍ക്ക് പിഴ ചുമത്തുമെന്നും പോലീസ് മുന്നറിയിപ്പ് നല്‍കി.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
