August 24, 2023
August 24, 2023
ദോഹ : ഖത്തർ ദേശീയ ക്രിക്കറ്റ് ടീമിൽ ഓൾറൗണ്ടറായി ഇടം നേടിയ കാസർകോട് ഉളിയത്തടുക സ്വദേശി മുഹമ്മദ് ഇർഷാദിനെ ഖത്തർ കെ.എം.സി.സി മധൂർ പഞ്ചായത്ത് കമ്മിറ്റി ആദരിച്ചു
സെപ്റ്റംബർ 15 മുതൽ 23 വരെ ഖത്തർ വേദിയാകുന്ന ഗൾഫ് രാജ്യങ്ങളുടെ ട്വന്റി 20 ക്രിക്കറ്റ് ചാമ്പ്യൻഷിപ്പിനുള്ള ഖത്തർ ടീമിനായി മികച്ച പ്രകടനം കാഴ്ച വെക്കാനുള്ള ഒരുക്കത്തിലാണ് ഇർഷാദ് . കഴിഞ്ഞ ഏതാനും മാസങ്ങൾ നീണ്ടുനിന്ന പരിശീലനങ്ങൾക്കൊടുവിലാണ് കഴിഞ്ഞ ദിവസം ദേശീയ ടീമിനെ പ്രഖ്യാപിച്ചത്. സൗദി അറേബ്യ, കുവൈത്ത്, ഒമാൻ, ബഹ്റൈൻ, യു.എ.ഇ എന്നീ ടീമുകളാണ് ഖത്തറിനൊപ്പം ടൂർണമെന്റിൽ മാറ്റുരക്കുന്നത്.
ഹാരിസ് ചൂരിയുടെ അധ്യക്ഷതയിൽ ചേർന്ന യോഗത്തിൽ ഖത്തർ കെഎംസിസി സംസ്ഥാന വൈസ് പ്രസിഡന്റ് ആദം കുഞ്ഞി തളങ്കര, മണ്ഡലം പ്രസിഡന്റ് ഹാരിസ് ഏരിയാൽ, മണ്ഡലം ജനറൽ സെക്രട്ടറി ഷഫീഖ് ചെങ്കളം, മണ്ഡലം ഭാരവാഹികളായ ഹമീദ് അറന്തോട്, ഹനീഫ് പട്ള, എന്നിവർ ആശംസകൾ നേർന്നു, ഉബൈസ് ഇർഷാദ്, കരീം പുളിക്കൂർ, മഹ്ഷാദ് എന്നിവർ പങ്കെടുത്തു. നാട്ടിലേക്ക് മടങ്ങുന്ന കരീം പുളികൂറിന് ചടങ്ങിൽ യാത്രയയപ്പ് നൽകി. ശരീഫ് മീപുഗിരി സ്വാഗതവും ശംസുദ്ധീൻ ചൂരി നന്ദിയും പറഞ്ഞു.
ന്യൂസ്‌റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/7iFkiXrjqZbE8gsI6yASj9
