October 18, 2023
October 18, 2023
ദുബായ്: രാജ്യത്ത് വിസ, റെസിഡന്‍സ് പെര്‍മിറ്റ് രേഖകള്‍ അല്ലെങ്കില്‍ ഇവയുമായി ബന്ധപ്പെട്ട മറ്റ് ഔദ്യോഗിക രേഖകള്‍ വ്യാജമായി ഉണ്ടാക്കിയാല്‍ 10 വര്‍ഷം വരെ തടവ് ശിക്ഷ ലഭിക്കുമെന്ന് ദുബായ് പബ്ലിക് പ്രോസിക്യൂഷന്‍ മുന്നറിയിപ്പ് നല്‍കി. സാമൂഹ മാധ്യമങ്ങളിലൂടെയാണ് അധികൃതര്‍ മുന്നറിയിപ്പ് നല്‍കിയത്. വ്യാജരേഖ ചമയ്ക്കുന്നതിനൊപ്പം വ്യാജമാണെന്ന അറിവോടെ ഇത്തരം രേഖകള്‍ ഉപയോഗിക്കുന്നവരും ശിക്ഷാര്‍ഹരാണെന്ന് മുന്നറിയിപ്പില്‍ വ്യക്തമാക്കി.
കഴിഞ്ഞ വര്‍ഷം യുഎഇയില്‍ റെസിഡന്‍സ് പെര്‍മിറ്റ്, വിസ തുടങ്ങിയ ഔദ്യോഗിക രേഖകള്‍ വ്യാജമായി ചമച്ചതില്‍ 10,576 അനധികൃത താമസക്കാര്‍ക്കെതിരെ കേസെടുത്തതായും അധികൃതര്‍ അറിയിച്ചു. പിടിക്കപ്പെടുന്നവരെ ശിക്ഷാനടപടികള്‍ക്ക് ശേഷം നാടുകടത്തും. അതേസമയം തൊഴില്‍ വിസ, വിസിറ്റ് വിസ, ടൂറിസ്റ്റ് വിസ തുടങ്ങിയ എല്ലാ വിസകളുടേയും കാലവധി അവസാനിച്ച ശേഷം അനധികൃതമായി രാജ്യത്ത് തങ്ങിയാല്‍ അധികമായി താമസിക്കുന്ന ഓരോ ദിവസത്തിനും 50 ദിര്‍ഹം പിഴയും ഈടാക്കും
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/DwYqZdMYXUCGOpYy8tmMSU
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
