December 20, 2023
December 20, 2023
ദോഹ: ഗ്ലോബൽ ട്രാവലേഴ്‌സിന്റെ മിഡിൽ ഈസ്റ്റിലെ മികച്ച വിമാനത്താവളത്തിനുള്ള പുരസ്‌കാരം സ്വന്തമാക്കി ഹമദ് അന്താരാഷ്ട്ര വിമാനത്താവളം. ഗ്ലോബൽ ട്രാവലേഴ്‌സിന്റെ 20-ാമത് വാർഷിക ജിടി ടെസ്റ്റഡ് റീഡർ സർവേ പുരസ്‌കാരമാണ് ലഭിച്ചത്. തുടർച്ചയായ ഏഴാം വർഷമാണ് ഹമദ് അന്താരാഷ്ട്ര വിമാനത്താവളത്തിന് ഈ അംഗീകാരം ലഭിക്കുന്നത്. ആഗോള തലത്തിലുള്ള യാത്രക്കാരുടെ വോട്ടിങ്ങിലൂടെയാണ് പുരസ്‌കാര ജേതാക്കളെ തിരഞ്ഞെടുക്കുന്നത്.
യാത്രക്കാർക്ക് നൽകുന്ന മികച്ച സൗകര്യങ്ങൾക്കും സേവനങ്ങൾക്കും ഹമദ് വിമാനത്താവളം ഇതിനകം ഒരുപാട് രാജ്യാന്തര പുരസ്‌കാരങ്ങൾ സ്വന്തമാക്കിയിട്ടുണ്ട്. യാത്രാ നടപടികൾ സുരക്ഷിതമാക്കുന്നതിൽ അത്യാധുനിക സാങ്കേതിക വിദ്യയിലുള്ള സംവിധാനങ്ങളാണ് ഇവിടെയുള്ളത്. യാത്രക്കാർക്ക് വിമാനത്താവളത്തിൽ മികച്ച ആസ്വാദനം ഉറപ്പാക്കാൻ ഉഷ്ണമേഖലാ ഉദ്യാനം, ലോകോത്തര നിലവാരത്തിലുള്ള റീട്ടെയ്ൽ, ഡൈനിങ് സൗകര്യങ്ങൾ, കലാസൃഷ്ടികൾ എന്നിവയെല്ലാം വിമാനത്താവളത്തിൽ ലഭ്യമാണ്.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
