February 21, 2024
February 21, 2024
ദുബായ്: ലോകത്തിലെ വ്യത്യസ്ത രുചികളുടെ പ്രദര്ശനമായ ഗള്ഫുഡ് 2024 ന് ദുബായില് തുടക്കമായി. വേള്ഡ് ട്രേഡ് സെന്ററില് തിങ്കളാഴ്ച ആരംഭിച്ച 29-മത് ഭക്ഷ്യമേളയില് 190 രാജ്യങ്ങളില് നിന്നുള്ള 5,500ലധികം പ്രതിനിധികള് പങ്കെടുക്കുന്നുണ്ട്. പത്ത് ലക്ഷം ചതുരശ്രയടി വിസ്തീര്ണത്തില് 24 ഹാളുകളിലായി നടക്കുന്ന പ്രദര്ശനം ഫെബ്രുവരി 23, വെള്ളിയാഴ്ച സമാപിക്കും. ഉദ്ഘാടനദിവസം യുഎഇ വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ശൈഖ് മുഹമ്മദ് ബിന് റാഷിദ് അല് മക്തൂം, ദുബായ് കിരീടാവകാശിയും എക്സിക്യുട്ടീവ് കൗണ്സില് ചെയര്മാനുമായ ശൈഖ് ഹംദാന് ബിന് മുഹമ്മദ് ബിന് റാഷിദ് അല് മക്തൂം എന്നിവര് മേള സന്ദര്ശിച്ചിരുന്നു. അന്താരാഷ്ട്ര ഭക്ഷണ ബ്രാന്ഡുകളും മേളയില് അവതരിപ്പിക്കും.
മേളയിലെ കേരള പവലിയന് വ്യവസായ പ്രിന്സിപ്പല് സെക്രട്ടറി സുമന് ബില്ല ഉദ്ഘാടനം ചെയ്തു. കേരള സ്റ്റേറ്റ് ഇന്ഡസ്ട്രിയല് ഡെവലപ്മെന്റ് കോര്പ്പറേഷന് ലിമിറ്റഡാണ്(കെഎസ്ഐഡിസി) പവലിയന് ഒരുക്കിയത്. കെഎസ്ഐഡിസി മാനേജിംഗ് ഡയറക്ടറും വ്യവസായ,വാണിജ്യ ഡയറക്ടറുമായ എസ് ഹരികിഷോര്, കേരള പവലിയനിലെ 12 കോ-എക്സിബിറ്റേഴ്സിന്റെ പ്രൊമോട്ടര്മാര് എന്നിവര് ഉദ്ഘാടന ചടങ്ങില് പങ്കെടുത്തു.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്റൂം വാട്സ്ആപ്പ് ചാനലില് ജോയിന് ചെയ്യുക - https://whatsapp.com/channel/0029Va9k1sH3rZZiZHLfLm0F