April 06, 2024
April 06, 2024
ഷാര്‍ജ: ഷാര്‍ജയിലെ അല്‍ നഹ്ദ കെട്ടിടത്തിലുണ്ടായ തീപിടിത്തത്തില്‍ അഞ്ച് പേര്‍ മരിച്ചു. കഴിഞ്ഞ വ്യാഴാഴ്ച രാത്രി 9.30 ഓടെയായിരുന്നു അപകടം. 44 പേര്‍ക്ക് പരിക്കേല്‍ക്കുകയും ചെയ്തു. താമസക്കെട്ടിടത്തിലുണ്ടായ തീപിടിത്തത്തില്‍ ശ്വാസം മുട്ടിയാണ് അഞ്ച് പേര്‍ക്കും മരണം സംഭവിച്ചതെന്ന് അധികൃതര്‍ അറിയിച്ചു. അതേസമയം മരണപ്പെട്ടവരുടെ കൂടുതല്‍ വിവരങ്ങള്‍ ലഭ്യമല്ല.
ഗുരുതരമായി പരിക്കേറ്റ 17 പേര്‍ അത്യാഹിത വിഭാഗത്തില്‍ ചികിത്സയിലാണ്. 7 പേര്‍ക്ക് അടിയന്തര വൈദ്യസഹായം നല്‍കിയതായും ഷാര്‍ജ പോലീസ് അറിയിച്ചു. 18 കുട്ടികള്‍ ഉള്‍പ്പെടെ 156 താമസക്കാരെ സുരക്ഷിത സ്ഥലത്തേക്ക് മാറ്റിയതായും അധികൃതര്‍ വ്യക്തമാക്കി.
750 അപ്പാര്‍ട്ട്മെന്റുകള്‍ ഉള്‍പ്പെടെ 39 നിലകളുള്ള കെട്ടിടത്തിനാണ് തീപിടിച്ചത്. 18, 26 നിലകളിലെ ഇലക്ട്രിക്കല്‍ ട്രാന്‍സ്ഫോര്‍മറിലാണ് തീപിടിത്തമുണ്ടായതെന്നാണ് പ്രാഥമിക വിവരം.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/IocT7PQnr4MEYpMCPpqwIn ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
