January 04, 2024
January 04, 2024
ദോഹ: ഖത്തറിൽ പൊതു ഇടങ്ങളിലും റോഡുകളിലും പാർക്കിങ് ഏരിയകളിലും ഉപേക്ഷിക്കപ്പെട്ട വാഹനങ്ങൾ കണ്ടെത്തിയാൽ 25,000 റിയാൽ വരെ പിഴ ഈടാക്കുമെന്ന് മുനിസിപ്പാലിറ്റി മന്ത്രാലയം മുന്നറിയിപ്പ് നൽകി. മന്ത്രാലയത്തിന്റെ ഔദ്യോഗിക സോഷ്യൽ മീഡിയ അക്കൗണ്ടുകളിലൂടെയാണ് ഇക്കാര്യം അറിയിച്ചത്. പൊതു ശുചിത്വ നിയമത്തിന് കീഴിലുള്ള മറ്റ് നിരവധി നിയമങ്ങളെക്കുറിച്ചും അതിന്റെ ലംഘനത്തിന് കാരണമാകുന്ന പിഴകളെക്കുറിച്ചും മന്ത്രാലയം പൊതുജനങ്ങൾക്ക് സമൂഹ മാധ്യമങ്ങളിലൂടെ മുന്നറിയിപ്പ് നൽകിയിട്ടുണ്ട്.
പൊതുസ്ഥലങ്ങൾ, ചത്വരങ്ങൾ, റോഡുകൾ, തെരുവുകൾ എന്നിവിടങ്ങളിൽ മാലിന്യം ഉപേക്ഷിക്കുകയാണെങ്കിൽ 10,000 റിയാൽ പിഴ ലഭിക്കും.
കെട്ടിടങ്ങൾക്ക് മുന്നിൽ അനധികൃതമായി ഫെൻസിങ് സ്ഥാപിച്ചാൽ നിയമലംഘനമായി കണക്കാക്കുമെന്നും 25,000 റിയാൽ വരെ പിഴയും ഈടാക്കുമെന്നും മന്ത്രാലായം കൂട്ടിച്ചേർത്തു.
2017 ലെ പൊതു ശുചിത്വ നിയമം നമ്പർ 18 ൽ പറഞ്ഞിരിക്കുന്ന വ്യവസ്ഥകൾ ഭേദഗതി ചെയ്താണ് (2023 പൊതു ശുചിത്വ നിയമം നമ്പർ 6) പിഴ ചുമത്തുന്നതെന്നും മന്ത്രാലയം അറിയിച്ചു.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
