August 19, 2023
August 19, 2023
ന്യൂസ്റൂം ബ്യൂറോ
അബുദാബി: അബുദാബിയിൽ വ്യാജ കറൻസി കൈമാറ്റ തട്ടിപ്പിനെതിരെ താമസക്കാർക്കും വിനോദസഞ്ചാരികൾക്കും മുന്നറിയിപ്പ് നൽകി അബുദാബി ജുഡീഷ്യൽ ഡിപ്പാർട്ട്മെന്റ് (എഡിജെഡി). ലാഭകരമായ ഓഫറുകളുമായാണ് കറൻസി കൈമാറ്റ ഡീലർമാർ ജനങ്ങളെ സമീപിക്കുന്നതെന്ന് അധികൃതർ പറഞ്ഞു .
വ്യാജ കറൻസി നോട്ടുകൾ വാഗ്ദാനം ചെയ്യുകയോ അല്ലെങ്കിൽ അനധികൃത ഉറവിടങ്ങളിൽ നിന്നും പണം കൈപ്പറ്റുകയോ ചെയ്യുകയാണ് ഈ തട്ടിപ്പ് സംഘമെന്ന് എഡിജെഡി വ്യക്താമാക്കി. അവധിക്കാലം മുതലെടുത്ത് സോഷ്യൽ മീഡിയകളിലൂടെ കുറഞ്ഞ വിലയ്ക്ക് വിദേശ കറൻസികൾ വാഗ്ദാനം ചെയ്യുകയാണിവരെന്നും എഡിജെഡി കൂട്ടിച്ചേർത്തു.
അനധികൃത പണമിടപാടുകാരിൽ നിന്ന് വിദേശ കറൻസി മാറ്റരുതെന്നും അതോറിറ്റി നിർദേശിച്ചു. വിദേശ കറൻസി കൈമാറ്റം ചെയ്യുന്നതിനായി അംഗീകൃത മണി എക്സ്ചേഞ്ച് ഹൗസുകളോ ബാങ്കുകളോ ഉപയോഗിക്കണമെന്ന് അധികൃതർ വ്യക്തമാക്കി.
ന്യൂസ്റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/BrKVB5Ii85n26onvJMSO7R