January 15, 2024
January 15, 2024
ദുബായ് : ടിക്കറ്റ് നിരക്കിൽ പുതുവത്സര ഓഫർ പ്രഖ്യാപിച്ച് ഇത്തിഹാദ് എയർവേയ്സ്. ജനുവരി 18നുള്ളിൽ (വ്യാഴം) ടിക്കറ്റ് ബുക്ക് ചെയ്യുന്നവർക്കാണ് പുതിയ ഓഫർ ലഭിക്കുക. ജനുവരി 23നും ജൂൺ 15നും ഇടയിൽ ടിക്കറ്റ് ഉപയോഗിച്ച് യാത്ര ചെയ്യാം. അബൂദബിയിൽ നിന്ന് കോഴിക്കോട്ടേക്ക് ഇക്കണോമിക് ക്ലാസിന് 895 ദിർഹമാണ് ടിക്കറ്റ് നിരക്ക്.
ജനുവരി ഒന്ന് മുതലാണ് കോഴിക്കോട്ടേക്കും തിരുവനന്തപുരത്തേക്കും രണ്ട് നോൺ സ്റ്റോപ്പ് സർവിസുകൾ ഇത്തിഹാദ് സർവിസ് ആരംഭിച്ചത്. ഇതോടെ ഇന്ത്യൻ നഗരങ്ങളിലേക്കുള്ള ഇത്തിഹാദിന്റെ സർവിസുകളുടെ എണ്ണം 10 ആയി ഉയർന്നിരുന്നു. കേരളത്തിലേക്കുള്ള യാത്രക്കാരുടെ എണ്ണം കണക്കിലെടുത്താണ് പുതിയ സർവിസുകൾ കൂടി ഇത്തിഹാദ് പ്രഖ്യാപിച്ചത്. 2023ൽ ഇത്തിഹാദ് കൊൽക്കത്തയിലേക്കുള്ള സർവിസുകൾ പുനരാരംഭിച്ചിരുന്നു. കൂടാതെ, മുംബൈയിലേക്കും ഡൽഹിയിലേക്കുമുള്ള പ്രതിദിന സർവിസുകൾ രണ്ടിൽ നിന്ന് നാലായി ഉയർത്തി.
അതേസമയം, ക്വാലാലംപുർ, ബാങ്കോക്ക്, ഒസാക്ക എന്നിവയാണ് ടിക്കറ്റ് നിരക്കിൽ ഓഫർ പ്രഖ്യാപിച്ച മറ്റ് ഏഷ്യൻ രാജ്യങ്ങൾ. പോർച്ചുഗൽ, ലിസ്ബൻ, കോപൻഹേഗൻ, മ്യൂണിച്, ബാവറിയ, ജർമനി തുടങ്ങിയ യൂറോപ്യൻ രാജ്യങ്ങളിലേക്കും പരിമിതമായ കാലയളവിലേക്കുള്ള ഓഫർ ഇത്തിഹാദ് പ്രഖ്യാപിച്ചിട്ടുണ്ട്.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/KIGk615xlF1ILlMGxpUXqI
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F