August 30, 2023
August 30, 2023
അബുദാബി: ഹോളിഡേ സെയില്സ് പാക്കേജും വിമാന ടിക്കറ്റുകൾക്ക് ഇളവുകളും പ്രഖ്യാപിച്ച് ദുബായിയുടെ ഇത്തിഹാദ് എയര്ലൈൻസ്. സെപ്റ്റംബര് പത്താം തീയ്യതി വരെ ടിക്കറ്റുകള് ബുക്ക് ചെയ്യുന്നവര്ക്കാണ് ഹോളിഡേ സെയിലിന്റെ ആനുകൂല്യം ഉപയോഗിക്കാൻ സാധിക്കുന്നത്.
2023 സെപ്റ്റംബര് 11 മുതല് 2024 മാര്ച്ച് 24 വരെയുള്ള കാലയളവിൽ യാത്ര ചെയ്യുന്നവർക്ക് കുറഞ്ഞ നിരക്കില് ഇത്തിഹാദ് എയർവെയ്സിന്റെ ടിക്കറ്റുകള് സ്വന്തമാക്കാന് കഴിയുമെന്നും എയർലൈൻസ് കമ്പനി അറിയിച്ചു. ഇക്കണോമി ക്ലാസില് 895 ദിര്ഹം മുതലാണ് ടിക്കറ്റ് നിരക്കുകള് ആരംഭിക്കുന്നത്.
അതേസമയം, ഇത്തിഹാദ് എയര്വേയ്സിന്റെ കേരളത്തിലേക്കുള്ള വിമാന സര്വീസ് വര്ധിപ്പിക്കുന്നതായും എയർലൈൻസ് അറിയിച്ചിരുന്നു. നവംബര് മുതലാണ് സർവീസുകൾ കൂടുന്നത്. അബുദാബിയിൽ നിന്ന് കൊച്ചിയിലേക്ക് ഇത്തിഹാദിന്റെ 8 സര്വീസ് കൂടി പ്രഖ്യാപിച്ചിട്ടുണ്ട്.
2024 ജനുവരി 1 മുതല് തിരുവനന്തപുരത്തേക്കും കോഴിക്കോട്ടേക്കും പ്രതിദിന സര്വീസുകള് പുനരാരംഭിക്കും. തിരുവനന്തപുരത്തേക്കുള്ള വിമാനം പുലര്ച്ച 2.20നും, കോഴിക്കോട്ടേക്കുള്ള വിമാനം ഉച്ചക്ക് 1.40നുമാണ് പുറപ്പെടുക. അതേസമയം, സെപ്റ്റംബര് 15 മുതല് ചെന്നൈയിലേക്കും 7 അധിക സര്വീസുകൾ ഉണ്ടായിരിക്കും.
ന്യൂസ്റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/7iFkiXrjqZbE8gsI6yASj9