December 05, 2023
December 05, 2023
അബുദാബി: മെഷോങ് ചുഴലിക്കാറ്റിനെ തുടർന്ന് ചെന്നൈയിലേക്കുള്ള ഇന്നത്തെ (ചൊവ്വ) വിമാന സർവിസുകൾ റദ്ദാക്കിയതായി എമിറേറ്റ്സ് അധികൃതർ അറിയിച്ചു. ചെന്നൈയിലെ ഏറ്റവും പുതിയ കാലാവസ്ഥയെ അടിസ്ഥാനമാക്കി കൂടുതൽ അപ്‌ഡേറ്റുകൾ നൽകുമെന്നും എയർലൈൻ കൂട്ടിച്ചേർത്തു.
ട്രാവൽ ഏജൻസി വഴി ടിക്കറ്റുകൾ ബുക്ക് ചെയ്ത യാത്രക്കാർ ഏജന്റുമാരുമായി തന്നെ ബന്ധപ്പെടണം. എമിറേറ്റ്സിൽ നേരിട്ട് ബുക്ക് ചെയ്ത യാത്രക്കാർക്ക് റീബുക്കിംഗ് ഓപ്ഷനുകൾക്കായി ലോക്കൽ ഓഫീസുകളുമായി ബന്ധപ്പെടാമെന്നും അധികൃതർ വ്യക്തമാക്കി.
അതേസമയം, മെഷോങ് ചുഴലിക്കാറ്റിനെ തുടർന്ന് ചെന്നൈയിലേക്കും തിരിച്ചുമുള്ള വിമാന സർവിസുകൾ താൽക്കാലികമായി നിർത്തിവെച്ചതായി ഒമാൻ എയർ അധികൃതർ ഇന്നലെ (ഡിസംബർ 4) പ്രഖ്യാപിച്ചിരുന്നു. പ്രവർത്തനങ്ങൾ സാധാരണ നിലയിലായാലുടൻ ഫ്ലൈറ്റുകൾ പുനക്രമീകരിക്കുമെന്നും അധികൃതർ വ്യക്തമാക്കി.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
