January 18, 2024
January 18, 2024
അബുദാബി: യു.എ.ഇയിലെത്തുന്ന യാത്രക്കാർക്ക് പ്രധാന വിനോദ കേന്ദ്രങ്ങളിലേക്ക് സൗജന്യ പാസുകൾ പ്രഖ്യാപിച്ച് എമിറേറ്റ്സ്. മാർച്ച് 31ന് മുമ്പായി എമിറേറ്റ്സിൽ ടിക്കറ്റെടുക്കുന്നവർക്കാണ് പാസ് ലഭിക്കുക. മ്യൂസിയം ഓഫ് ഫ്യൂചർ, അറ്റ്ലാൻറിസ്അക്വാവെഞ്ചർ എന്നിവ സന്ദർശിക്കാനാണ് പാസ് നൽകുന്നത്.
എട്ടുമണിക്കൂറിൽ കൂടുതൽ ദുബായിൽ സ്റ്റോപ്പ് ഓവറുള്ള യാത്രക്കാർക്കും സൗജന്യ പാസുകൾ ഉപയോഗിക്കാനാവും. ഫെബ്രുവരി 1 വരെ ടിക്കറ്റെടുക്കുന്നവർക്കാണ് സൗജന്യ പാസ് ലഭിക്കുക. 2024 മാർച്ച് 31വരെ യാത്ര ചെയ്യാൻ ടിക്കറ്റുകൾ ഉപയോഗിക്കാം. വൺ-വേ ഫ്ലൈറ്റ് ടിക്കറ്റുകൾക്ക് ഓഫർ ബാധകമല്ല.
എമിറേറ്റ്സിന്റെ വെബ്സൈറ്റിലൂടെ ടിക്കറ്റ് ബുക്ക് ചെയ്യുന്നവർ ഇ.കെ.ഡി.എക്സ്.ബി24 എന്ന കോഡ് ഉപയോഗിച്ച് പാസ് സ്വന്തമാക്കാം. മ്യൂസിയം ഓഫ് ദി ഫ്യൂച്ചറിന്ഒരുകോഡും അറ്റ്ലാന്റിസ് അക്വാവെഞ്ചറിനായി മറ്റൊരു കോഡുമാണ് കമ്പനി നൽകുക.
ട്രാവൽ ഏജന്റ്, എമിറേറ്റ്സ് കോൾ സെന്റർ, ടിക്കറ്റിങ് ഓഫീസ് എന്നിവ വഴി ടിക്കറ്റ് ബുക്ക് ചെയ്യുകയാണെങ്കിൽ, യാത്ര ചെയ്യുന്നതിന് 96 മണിക്കൂർ മുമ്പെങ്കിലും യാത്രക്കാരന്റെ പേര്, ദുബായിൽ എത്തുന്ന ദിവസം, ഫോൺ നമ്പർ, ഇ-മെയിൽ അഡ്രസ് എന്നിവ emiratesoffer@emirates.com എന്ന മെയിലിലേക്ക് അയച്ചാൽ പാസുകൾ ലഭിക്കും.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/KIGk615xlF1ILlMGxpUXqI
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F