March 21, 2024
March 21, 2024
ദുബായ്: റമദാനില് ദുബായിലേക്ക് എത്തുന്ന സന്ദര്ശകര്ക്കായി പുതിയ സ്റ്റാമ്പ് രൂപകല്പന ചെയ്ത് ദുബായ് സര്ക്കാര്. ജനറല് ഡയറക്ടറേറ്റ് ഓഫ് റെസിഡന്സി ആന്ഡ് ഫോറിനേഴ്സ് അഫയേഴ്സിന്റെ(ജിഡിആര്എഫ്) നേതൃത്വത്തില് വ്യോമ, കര മാര്ഗങ്ങളിലൂടെ രാജ്യത്ത് എത്തുന്നവരെ ഊഷ്മളമായി സ്വാഗതം ചെയ്യുന്നതിനായി ആരംഭിച്ച കാമ്പയിന്റെ ഭാഗമായാണിത്. റമദാന് ഇന് ദുബായ്' എന്ന പേരില് ആരംഭിച്ച ക്യാമ്പയിനില് ദുബായ് സര്ക്കാരിന്റെ ക്രിയേറ്റീവ് വിഭാഗം രൂപകല്പ്പന ചെയ്ത #RamadanInDubai എന്ന ലോഗോയിലുള്ള പ്രത്യേക സ്റ്റാമ്പ് ഇമിഗ്രേഷന് ഉദ്യോഗസ്ഥര് യാത്രക്കാരുടെ പാസ്പോര്ട്ടില് പതിക്കും.
സന്ദര്ശകര്ക്ക് തടസ്സമില്ലാത്ത ആശയവിനിമയം ഉറപ്പാക്കുന്നതിനായി സ്പെഷ്യല് സിം കാര്ഡും നല്കും. ഡുവു(du) മായി സഹകരിച്ചാണ് ഉദ്യോഗസ്ഥര് സിം കാര്ഡുകള് നല്കുന്നത്. കൂടാതെ, സന്ദര്ശകര്ക്ക് ഒരു ക്യുആര് കോഡും ലഭിക്കും. അതിലൂടെ ദുബായിലെ റമദാന് ഇവന്റുകള് ആക്സസ് ചെയ്യാന് സാധിക്കും. ദുബായ് രണ്ടാം ഡെപ്യൂട്ടി ഭരണാധികാരിയും ദുബായ് മീഡിയ കൗണ്സില് (ഡിഎംസി) ചെയര്മാനുമായ ഷെയ്ഖ് അഹമ്മദ് ബിന് മുഹമ്മദ് ബിന് റാഷിദ് അല് മക്തൂമിന്റെ നിര്ദേശപ്രകാരമാണ് റമദാന് കാമ്പെയ്ന് ആരംഭിച്ചത്.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F