September 13, 2023
September 13, 2023
ദുബായ്: ഇന്ത്യൻ നിയമപ്രകാരം ദുബായിൽ ദമ്പതികൾക്ക് വിവാഹമോചനം അനുവദിച്ചു.കോടതി ഉത്തരവ് പ്രകാരം, കുട്ടികളുടെ സംരക്ഷണം ഭർത്താവിന് ലഭിച്ചു. കട്ടികളെ വളർത്താൻ അമ്മ മാനസികമായും വൈകാരികമായും യോഗ്യയല്ലെന്ന് തെളിയിക്കുന്ന മെഡിക്കൽ റിപ്പോർട്ടുകളും സാക്ഷിമൊഴികളും ഉൾപ്പെടെയുള്ള തെളിവുകൾ കോടതി പരിശോധിച്ചതിന് ശേഷമാണ് കോടതി വിധി പറഞ്ഞത്.
ദുബായിൽ 2023 ഫെബ്രുവരിയിൽ പ്രാബല്യത്തിൽ വന്ന യുഎഇ ഫെഡറൽ പേഴ്സണൽ സ്റ്റാറ്റസ് ലോ (ഫെഡറൽ ലോ നമ്പർ 41 ഓഫ് 2022) അനുസരിച്ച് അമുസ്ലിം പ്രവാസികൾക്ക് കുടുംബ കാര്യങ്ങളിൽ സ്വന്തം രാജ്യത്തെ നിയമം ഉപയോഗിക്കാനുള്ള അവസരം നൽകുന്നുണ്ട്. വിവാഹം,വിവാഹമോചനം, കുട്ടികളുടെ സംരക്ഷണം, മറ്റ് മേഖലകൾ എന്നിവയും ഈ നിയമത്തിൽ ഉൾപ്പെടുന്നുണ്ട്. ഇന്ത്യൻ വംശജരായ ബ്രിട്ടീഷ് പൗരന്മാരായിരുന്നു ദുബായ് കോടതിയിൽ എത്തിയ ഹിന്ദു മതത്തിലുള്ള ദമ്പതികൾ.
1955 മുതലുള്ള ഇന്ത്യൻ വിവാഹ നിയമത്തെ അടിസ്ഥാനമാക്കിയാണ് ദുബായ് കോടതി ഭർത്താവിന് വിവാഹമോചനം അനുവദിച്ചത്. കേസിൽ ഇന്ത്യൻ നിയമം ഉപയോഗിക്കണമെന്ന് ഭാര്യ തന്നെയാണ് ആവശ്യപ്പെട്ടിരുന്നത്.
ന്യൂസ്റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/G3GYQhfaTLoDVK1Qr9fc5G