February 20, 2024
February 20, 2024
ദുബായ്: യു.എ.ഇയിൽ കെട്ടിട നിർമാണവസ്തുക്കളുടെ വില വർധിപ്പിക്കുന്നത് തടഞ്ഞ് യു.എ.ഇ സാമ്പത്തികകാര്യ മന്ത്രാലയം. നിർമാണ വസ്തുക്കളുടെ നേരത്തെയുണ്ടായിരുന്ന വില പുനഃസ്ഥാപിക്കണമെന്നും കമ്പനികളോട് മന്ത്രാലയം നിർദേശിച്ചിട്ടുണ്ട്.
രാജ്യത്ത് ഹെവി വാഹനങ്ങളുടെ ഭാരവും വലുപ്പവും നിയന്ത്രിക്കുന്നതുമായി ബന്ധപ്പെട്ട തീരുമാനം നടപ്പാക്കുന്നത് നീട്ടിവെച്ച സാഹചര്യത്തിലാണ് മന്ത്രാലയം ഉത്തരവ് പുറപ്പെടുവിച്ചത്. യു.എ.ഇ മന്ത്രിസഭയുടെ നിർദേശപ്രകാരമാണ് ഹെവി വാഹനങ്ങളെ നിയന്ത്രിക്കുന്നതിനുള്ള തീരുമാനം മാറ്റിയത്. ഉത്തരവ് ലംഘിച്ച് വില വർധനവ് ഈടക്കുന്നവർക്ക് 10 ലക്ഷം ദിർഹം വരെ പിഴ ഈടാക്കും.
ഏകീകൃതമായ രീതിയിൽ കമ്പനികൾ യോജിച്ച് വില വർധിപ്പിക്കുന്നതും അംഗീകരിക്കാനാവില്ലെന്നും രാജ്യത്തെ വിവിധ സ്ഥലങ്ങളിൽ നിർമാണ സാമഗ്രികൾക്ക് ന്യായമായ വില ഉറപ്പുവരുത്താൻ നടപടി സ്വീകരിക്കുമെന്നും മന്ത്രാലയം അറിയിപ്പിൽ വ്യക്തമാക്കി. നിയമം ലംഘിക്കുകയും വിലവർധന വരുത്തുകയും ചെയ്യുന്ന കമ്പനികളെ കുറിച്ച് 8001222 എന്ന നമ്പറിലോ info@economy.ae എന്ന ഇമെയിൽ വഴിയോ പരാതികൾ അറിയിക്കാമെന്നും അധികൃതർ വ്യക്തമാക്കി.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F