March 12, 2024
March 12, 2024
അബൂദാബി: റമദാനില് ദര്ബ് ട്രാഫിക് ടോള് ഈടാക്കുന്ന സമയത്തിൽ മാറ്റം വരുത്തിയതായി സംയോജിത ഗതാഗതകേന്ദ്രം അറിയിച്ചു. തിങ്കള് മുതല് ശനി വരെയുള്ള ദിവസങ്ങളില് രാവിലെ 8 മണി മുതല് രാവിലെ 10 മണി വരെയും, ഉച്ചയ്ക്ക് 2 മണി മുതല് 4 മണി വരെയുമായിരിക്കും ഫീസ് ഈടാക്കുക. ഞായറാഴ്ച ടോള് പിരിവ് ഉണ്ടാകില്ല.
അതേസമയം പൊതു പാര്ക്കിങ് സേവനങ്ങള്ക്ക് റമദാനില് മാറ്റമില്ല. തിങ്കള് മുതല് ശനി വരെ രാവിലെ 8 മണി മുതല് അര്ധരാത്രി 12 മണി വരെയാണ് പാര്ക്കിങ് ഫീസ് ഈടാക്കുക. ഞായറാഴ്ച പാര്ക്കിങ് സൗജന്യമാണ്.
അബൂദാബി നഗരത്തിലും പ്രാന്തപ്രദേശങ്ങളിലും റമദാനില് പൊതു ബസ് സര്വീസുകള് ഉണ്ടാവും. പുലര്ച്ച 6 മണി മുതല് അര്ധരാത്രി 12 മണി വരെയാണ് സര്വീസുകളുണ്ടാവുക. നിലവില് 24 മണിക്കൂറും പ്രവര്ത്തിക്കുന്ന ബസ് സര്വീസുകള് റമദാനിലും തുടരും.
അല്ഐന് നഗരത്തിലും പരിസര പ്രദേശങ്ങളിലും പൊതു ബസ് സര്വീസുകള് റമദാനില് രാവിലെ 6 മണി മുതല് അര്ധരാത്രി 12 മണി വരെയുണ്ടാവും.
അല് ദഫ്റയില് പതിവുപോലെ റമദാനിലും സര്വീസ് തുടരും. ഇഫ്താര് സമയത്ത് മാത്രം വൈകീട്ട് 6.30 മുതല് സര്വീസുകള് നിര്ത്തിവെക്കും. അബൂദാബി എക്സ്പ്രസ് സര്വിസ് തിങ്കള് മുതല് വെള്ളി വരെ രാവിലെ 6 മണി മുതല് രാത്രി 11 മണി വരെ തുടരും. വാരാന്ത്യങ്ങളില് രാവിലെ 6 മണി മുതല് പുലര്ച്ച 1 മണി വരെ സര്വീസുണ്ടാവും.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F