December 27, 2023
December 27, 2023
ദുബായ്: ദുബായിൽ വിദ്യാർഥികളെ ലക്ഷ്യമാക്കി സൈബർ തട്ടിപ്പ്. വിദ്യാർഥികളെ ഫോൺ വിളിച്ചും മെയിൽ അയച്ചും പണം തട്ടുന്നതിനെതിരെ ജാഗ്രത പാലിക്കണമെന്ന് വിദേശകാര്യ മന്ത്രാലയം മുന്നറിയിപ്പ് നൽകി. യു.എ.ഇയിലെ വിവിധ എംബസികളുടെ പേരിലാണ് തട്ടിപ്പ് നടത്തുന്നതെന്ന് മന്ത്രാലയം പ്രസ്താവനയിൽ വ്യക്തമാക്കി.
തട്ടിപ്പിൽ യൂനിവേഴ്സിറ്റി അഡ്മിഷനുമായി ബന്ധപ്പെട്ട പണം ട്രാൻസ്ഫർ ചെയ്യാനും സ്കോളർഷിപ് ലഭിക്കാൻ മുൻകൂർ പണമടക്കാനുമൊക്കെയാണ് തട്ടിപ്പുകാർ ആവശ്യപ്പെടുന്നത്. എംബസികൾ, ഉദ്യോഗസ്ഥർ, ജീവനക്കാർ എന്നിവരുടെ പേരിൽ തട്ടിപ്പു സംഘം ബന്ധപ്പെടാമെന്നും ജാഗ്രത പാലിക്കണമെന്നുമാണ് അധികൃതർ നിർദേശിച്ചിട്ടുള്ളത്. ഇത്തരം മെയിലുകൾക്ക് ഒരിക്കലും മറുപടി നൽകരുതെന്നും ഇത്തരം ഫോൺ കോളുകളോ മെയിലുകളോ കിട്ടുന്നവർ വിദേശകാര്യ മന്ത്രാലയത്തിന്റെ 0097180024 എന്ന നമ്പറിൽ വിവരമറിയിക്കണമെന്നും അധികൃതർ പ്രസ്താവനയിൽ ആവശ്യപ്പെട്ടു.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F