January 13, 2024
January 13, 2024
യുഎഇ: യുഎഇയില്‍ കാലാവധി കഴിഞ്ഞ ഭക്ഷ്യവസ്തുക്കള്‍ ലേബല്‍ മാറ്റി വില്‍പന നടത്താന്‍ ശ്രമിച്ച സ്വദേശി ദമ്പതികളെ 66 വര്‍ഷത്തെ തടവിന് ശിക്ഷിച്ചു. 52 മില്യണ്‍ ദിര്‍ഹം പിഴയടക്കാനും വിധിച്ചതായി അബുദാബി ജുഡീഷ്യല്‍ ഡിപ്പാര്‍ട്ട്‌മെന്റ് അറിയിച്ചു. എക്‌സിലൂടെയാണ് അധികൃതര്‍ ഇക്കാര്യം വ്യക്തമാക്കിയത്.
പൊതുഫണ്ട് ദുരുപയോഗം ചെയ്യല്‍, വ്യാജരേഖ ചമയ്ക്കല്‍, കൈക്കൂലി, അനധികൃച ലാഭം, വാണിജ്യ വഞ്ചന എന്നീ കുറ്റങ്ങള്‍ക്കാണ് ശിക്ഷ വിധിച്ചത്. കുറ്റകൃത്യങ്ങളുമായി ബന്ധപ്പെട്ട 12 കേസുകളിലാണ് കോടതി വിധി പറഞ്ഞത്. കേസില്‍ ഉള്‍പ്പെട്ട വിവിധ രാജ്യക്കാരായ മറ്റ് പ്രതികള്‍ക്ക് മൂന്ന് മുതല്‍ 15 വര്‍ഷം വരെ തടവും 13 ദശലക്ഷം പിഴയും വിധിച്ചു. കാലാവധി കഴിഞ്ഞ ഭക്ഷ്യവസ്തുക്കള്‍ സംഭരിക്കുന്നതിന് സ്വകാര്യ വെയര്‍ ഹൗസ് സ്ഥാപിച്ചാണ് പ്രതികള്‍ തട്ടിപ്പ് നടത്താന്‍ ശ്രമിച്ചത്.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/KIGk615xlF1ILlMGxpUXqI
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
