September 17, 2023
September 17, 2023
ദോഹ: ഖത്തറിൽ വാഹനങ്ങളുടെ ഗ്ളാസുകളിൽ കൂളിംഗ് ഫിലിമുകൾ ഉപയോഗിച്ച വാഹന ഉടമകൾക്കെതിരെ കേസുകൾ രജിസ്റ്റർ ചെയ്‌തതായി ആഭ്യന്തര മന്ത്രാലയത്തിലെ ജനറൽ ഡയറക്ടറേറ്റ് ഓഫ് ട്രാഫിക് അറിയിച്ചു. 10,173 നിയമലംഘന കേസുകളാണ് എട്ടു മാസത്തിനുള്ളിൽ രജിസ്റ്റർ ചെയ്തതെന്ന് മന്ത്രാലയം വ്യക്തമാക്കി. അനുവദനീയമായ അളവിന് മുകളിൽ കാറിന്റെ ഗ്ലാസുകൾ ടിന്റിംഗ് ചെയ്തതിനാണ് വാഹനമോടിക്കുന്നവർക്കെതിരെ അധികൃതർ കേസെടുത്തത്.
അതേസമയം, വാഹനങ്ങളിൽ നിന്ന് വലിയ ശബ്ദമുണ്ടാക്കിയതിന് 4,405 നിയമലംഘനങ്ങളും രജിസ്റ്റർ ചെയ്തിട്ടുണ്ട്. അധിക ഉപകരണങ്ങൾ ഘടിപ്പിച്ച് വാഹനങ്ങൾ പരിഷ്‌കരിച്ചാണ് വാഹനങ്ങളിൽ അധിക ശബ്ദമുണ്ടാക്കുന്നത്. ഇത്തരം വാഹനങ്ങൾ പിടിച്ചെടുക്കാനും വാഹന ഉടമകൾക്കെതിരെ പിഴ ചുമത്താനും നിയമമുണ്ട് .
എക്‌സ് (ട്വിറ്റർ) പ്ലാറ്റ്‌ഫോമിലൂടെയുള്ള വീഡിയോ സന്ദേശത്തിലാണ് ജനറൽ ഡയറക്ടറേറ്റ് ഓഫ് ട്രാഫിക് അധികൃതർ നിയമ ലംഘരുടെ കണക്കുകൾ പുറത്തുവിട്ടത്.. വാഹനമോടിക്കുന്നവർ ട്രാഫിക് നിയമങ്ങൾ പാലിക്കുന്നുണ്ടെന്ന് ഉറപ്പുവരുത്തുന്നതിനായി ആരംഭിച്ച കാമ്പെയ്‌നിന്റെ ഭാഗമായാണ് വീഡിയോ പുറത്തുവിട്ടത്.
ന്യൂസ്‌റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/G3GYQhfaTLoDVK1Qr9fc5G
