November 14, 2023
November 14, 2023
യുഎഇ: ദുബായില്‍ പ്രവാസികാര്യ വകുപ്പില്‍ നിന്ന് ലഭിക്കുന്ന സേവനങ്ങളെ കുറിച്ചുള്ള പൊതുജനങ്ങളുടെ അഭിപ്രായമറിയാന്‍ അധികൃതര്‍ ഓണ്‍ലൈന്‍ സര്‍വേ സംഘടിപ്പിക്കുന്നു. വകുപ്പിന്റെ സേവനങ്ങളില്‍ ഉപഭോക്താക്കള്‍ തൃപ്തരാണോ എന്നറിയാനാണ് സര്‍വേ നടത്തുന്നത്. ദുബായ് ജനറല്‍ ഡയറക്ടറേറ്റ് ഓഫ് റെസിഡന്‍സി ആന്‍ഡ് ഫോറിനേഴ്സ് അഫയേഴ്സ്( ജിഡിആര്‍എഫ്എ) കമ്മ്യൂണിറ്റി ഹാപ്പിനെസ് സര്‍വേ-2023 എന്ന പേരിലാണ് സര്‍വേ സംഘടിപ്പിക്കുന്നത്. ഉപഭോക്താക്കള്‍ക്ക് കൂടുതല്‍ സന്തോഷകരമായ സേവനങ്ങള്‍ നല്‍കുകയാണ് ലക്ഷ്യം.
ചോദ്യാവലിയിലൂടെയാണ് സര്‍വേയില്‍ ഉപഭോക്തൃ അഭിപ്രായം തേടുന്നത്. ജിഡിആര്‍എഫ്എ സേവനങ്ങളില്‍ എത്രമാത്രം തൃപ്തരാണെന്ന് പൊതുജനങ്ങള്‍ക്ക് ഓണ്‍ലൈനിലൂടെ അറിയിക്കാന്‍ കഴിയും. വിസ നടപടികളുമായി ബന്ധപ്പെട്ട പൊതുജനങ്ങളുടെ അഭിപ്രായങ്ങളും നിര്‍ദേശങ്ങളും അനുഭവങ്ങളും രേഖപ്പെടുത്താം. https://msurvey.government.ae/survey/General%20Directorate%20of%20Residency%20and%20Foreigners%20Affairs%20-%20Dubai/h7Y എന്ന ഓണ്‍ലൈന്‍ ലിങ്കില്‍ പേരും മൊബൈല്‍ നമ്പറും നല്‍കി സര്‍വേയില്‍ പങ്കെടുക്കാം. ഇംഗ്ലീഷ് അല്ലെങ്കില്‍ അറബി ഭാഷകളിലാണ് അഭിപ്രായം അറിയിക്കേണ്ടത്. പൊതുജനങ്ങള്‍ക്ക് സത്യസന്ധമായ അഭിപ്രായം ധൈര്യപൂര്‍വ്വം സര്‍വേയിലൂടെ അറിയിക്കാമെന്ന് ദുബായ് ജിഡിആര്‍എഫ്എ വ്യക്തമാക്കി.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/CqJci12yE9VL8MZgKZYvGm
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
