February 19, 2024
February 19, 2024
അബുദാബി: അബുദാബിയില് ഗാര്ഹിക പീഡനത്തിനെതിരെ ബോധവത്ക്കരണ കാമ്പെയ്ന് ആരംഭിച്ചു. അബുദാബി ജുഡീഷ്യല് ഡിപ്പാര്ട്ട്മെന്റിലെ(എഡിജെഡി) സെന്റര് ഫോര് ലീഗല് ആന്റ് കമ്മ്യൂണിറ്റി അവയര്നെസാണ് (മസൗലിയ) കാമ്പെയ്ന് സംഘടിപ്പിക്കുന്നത്. ' അക്രമം- കുടുംബ സ്ഥിരതയുടെ അന്ത്യം' എന്ന പേരില് മൂന്ന് മാസത്തെ ക്യാമ്പെയ്ന് സംഘടിപ്പിക്കും.
ഗാര്ഹിക പീഡനത്തിന്റെ ദൂഷ്യവശങ്ങള്, എങ്ങനെ തടയാം, കുടുംബങ്ങളുടെ അവകാശങ്ങളും കടമകളും, കുറ്റവാളികള്ക്കുള്ള ശിക്ഷ എന്നിവയില് പൊതുജനങ്ങളില് അവബോധം സൃഷ്ടിക്കുകയാണ് ലക്ഷ്യം. ശക്തമായ കുടുംബം കുട്ടികളുടെ വ്യക്തിത്വ വികസത്തെ സ്വാധീനിക്കുമെന്ന് എഡിജെഡി അണ്ടര് സെക്രട്ടറി യൂസഫ് സയീദ് അല് അബ്രി പറഞ്ഞു.
കുടുംബത്തിലെ ഒരു അംഗം മറ്റൊരാള്ക്കെതിരെ നടത്തുന്ന ഏതൊരു പ്രവൃത്തിയും പ്രസ്താവന, ദുരുപയോഗം, ഉപദ്രവം അല്ലെങ്കില് ഭീഷണി, അവന്റെ/അവളുടെ രക്ഷാധികാരം, കസ്റ്റഡി, അധികാരം അല്ലെങ്കില് കടമ എന്നിവയ്ക്ക് അതീതമായി, വ്യക്തിയുടെ ശാരീരിക ദ്രോഹമോ നാശമോ ഉണ്ടാക്കുന്ന ഏതൊരു പ്രവൃത്തിയും, പ്രസ്താവനയും, ദുരുപയോഗവും, ഉപദ്രവവും ഭീഷണിയും യുഎഇ നിയമത്തില് ഗാര്ഹിക പീഡനമായി കണക്കാക്കപ്പെടും.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്റൂം വാട്സ്ആപ്പ് ചാനലില് ജോയിന് ചെയ്യുക - https://whatsapp.com/channel/0029Va9k1sH3rZZiZHLfLm0F