December 26, 2023
December 26, 2023
ദോഹ: ഖത്തറിലെ കോളേജ് അലുംനികളുടെ സംഘടനയായ കോൺഫഡറേഷൻ ഓഫ് കോളേജ് അലുംനി കേരള (കാക് ഖത്തർ) സംഘടിപ്പിച്ച ഇന്റർ കോളേജിയറ്റ് കലോത്സവമായ തരംഗ് 2023 സമാപിച്ചു. സൽവ റീ താജ് റിസോർട്ടിലായിരുന്നു പരിപാടി. 14 കോളേജ് അലുംമ്‌നികളിൽ നിന്നും ഏകദേശം 800ലധികം കലാകാരന്മാർ വ്യക്തിഗത-ഗ്രൂപ്പ് ഇനങ്ങളിൽ 65ൽപരം വ്യത്യസ്ത ഇനങ്ങളിലായി പങ്കെടുത്തു.
266 പോയിന്റുമായി കായംകുളം എം.എസ്.എം.കോളേജ് അലുംനി തുടർച്ചയായ നാലാം വർഷവും കാക് ചാമ്പ്യന്മാരായി. 161 പോയിന്റുമായി തിരൂരങ്ങാടി പി.എസ്.എം.ഒ കോളേജ് അലുംനി രണ്ടാം സ്ഥാനത്തും, തൃശൂർ ഐ.സി.എ കോളേജ് അലുംനി 103 പോയിന്റുമായി മൂന്നാം സ്ഥാനത്തും എത്തി.
പരിപാടിയുടെ സമാപന ചടങ്ങിൽ ചലച്ചിത്ര താരം ഹരിപ്രശാന്ത് വർമ്മ വിജയികൾക്ക് സമ്മാനങ്ങൾ വിതരണം ചെയ്തു. ഡ്രീം പ്രോപ്പർട്ടി സി ഇ ഓ ഷഫീക്, ഐ സി ബി എഫ് ജനറൽ സെക്രട്ടറി കെ.വി ബോബൻ, അപ്പീൽ കമ്മിറ്റി ചെയർമാൻ അബ്ദുൽ റഊഫ് കൊണ്ടോട്ടി, സുബൈർ പാണ്ഡവത്ത്, സാം കുരുവിള, പ്രോഗ്രാം കോർഡിനേറ്റർ ഷൈജു ധമനി, കാക് പ്രസിഡന്റ് അബ്ദുൽ അസീസ്, സെക്രട്ടറി സിറാജുദ്ദീൻ ഇബ്രാഹിം റാവുത്തർ തുടങ്ങിയവരും പരിപാടിയിൽ പങ്കെടുത്തു. കാക് ട്രഷറർ ഗഫൂർ കാലിക്കറ്റ് നന്ദി പറഞ്ഞു.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
