August 21, 2023
August 21, 2023
ദോഹ: പബ്ലിക് വൈഫൈ നെറ്റ്‌വർക്കുകൾ ഉപയോഗിക്കുമ്പോൾ സ്വകാര്യ വിവരങ്ങൾ പുറത്താകുമെന്ന ആശങ്ക വേണ്ടെന്നും എന്നാൽ ആവശ്യമായ മുൻകരുതൽ നടപടികൾ സ്വീകരിക്കണമെന്നും ഖത്തർ സൈബർ സെക്യൂരിറ്റി വിഭാഗം.. പൊതു വൈഫൈ നെറ്റ്‌വർക്കുകൾ ഉപയോഗിക്കുമ്പോൾ ശ്രദ്ധിക്കേണ്ട കാര്യങ്ങൾ സൈബർ സുരക്ഷാ ഏജൻസി സോഷ്യൽ മീഡിയ പ്ലാറ്റ്‌ഫോമുകളിൽ പങ്കുവെച്ചു.
പൊതു വൈഫൈ നെറ്റ്‌വർക്കുകൾ ഉപയോഗിക്കുമ്പോൾ ,വിശ്വസനീയമായ ആന്റിവൈറസ് ഉപയോഗിക്കുക,സാമ്പത്തിക ഇടപാടുകൾ ഒഴിവാക്കുക, എൻക്രിപ്ഷൻ തിരഞ്ഞെടുക്കുക, വൈഫൈയുടെ ഓട്ടോ -കണക്‌റ്റ് ഓപ്ഷൻ പ്രവർത്തനരഹിതമാക്കുക, ടു-സ്റ്റെപ് വെരിഫിക്കേഷൻ ഉപയോഗപ്പെടുത്തുക, സോഫ്‌റ്റ്‌വെയർ പതിവായി അപ്‌ഡേറ്റ് ചെയ്യുക തുടങ്ങിയ കാര്യങ്ങൾ ശ്രദ്ധിക്കണമെന്നും സൈബർ സുരക്ഷാ ഏജൻസി ഓർമിപ്പിച്ചു.
പൊതു വൈഫൈ നെറ്റ്‌വർക്കുകൾ വേണ്ടത്ര സുരക്ഷിതമല്ലാത്തതിനാൽ ബാങ്ക് അക്കൗണ്ട് ഉൾപ്പെടെയുള്ള രഹസ്യ വിവരങ്ങൾ ആക്‌സസ് ചെയ്യാതിരിക്കുന്നതാണ് ഉചിതമെന്നും സൈബർ സെക്യൂരിറ്റി ഏജൻസി മുന്നറിയിപ്പ് നൽകി.
ന്യൂസ്‌റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/BrKVB5Ii85n26onvJMSO7R
