March 28, 2024
March 28, 2024
ദോഹ:റമദാൻ അവസാനിക്കുന്നതിന് മുമ്പ് നൽകേണ്ട നിർബന്ധിത സക്കാത്തായ ഫിത്വർ സകാത്ത് റമദാനിലെ അവസാന പത്ത് ദിവസങ്ങളിൽ തന്നെ നൽകിത്തുടങ്ങാമെന്ന ഔഖാഫ് മന്ത്രാലയം. മന്ത്രാലയം ഇന്ന് (വ്യാഴം) പുറത്തിവിട്ട പ്രസ്താവനയിലാണ് ഇത്തരമൊരു നിർദേശം നൽകിയത്.
ദരിദ്രർക്ക് നൽകുന്ന രണ്ടര കിലോഗ്രാം ധാന്യമാണ് സകാത്ത് തുകയായി മന്ത്രാലയം നിശ്ചയിച്ചത്. ഇതനുസരിച്ച്, 15 ഖത്തര് റിയാലാണ് ഒരാള് ഫിത്വർ സകാത്ത് തുകയായി നല്കേണ്ടത്. പെരുന്നാൾ നമസ്കാരം കഴിയുന്നതുവരെ സകാത്ത് മനഃപൂർവം വൈകിപ്പിക്കരുതെന്നും മന്ത്രാലയം നിർദേശിച്ചു. പ്രായഭേദമന്യേ എല്ലാവര്ക്കും ഫിത്വർ സകാത്ത് നിര്ബന്ധമാണ്.
സകാത്ത് നല്കാന് ആഗ്രഹിക്കുന്നവര്ക്ക് രാജ്യത്തുടനീളമുള്ള 31 കളക്ഷന് പോയിന്റുകള് പ്രയോജനപ്പെടുത്താമെന്ന് ഇസ്ലാമിക മതകാര്യമന്ത്രാലയത്തിന് കീഴിലെ സകാത്ത് വിഭാഗം അറിയിച്ചു. രാജ്യത്ത് ഉടനീളമുള്ള സകാത്ത് കാര്യ വകുപ്പിന്റെ ഓഫീസുകള് വഴിയോ വകുപ്പിന്റെ വെബ്സൈറ്റ് വഴിയോ സകാത്ത് നല്കാം.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F