November 01, 2023
November 01, 2023
അബുദാബി: യുഎഇയിലെ ബജറ്റ് വിമാനകമ്പനിയായ എയര്‍ അറേബ്യ റാസല്‍ഖൈമയില്‍ നിന്ന് കോഴിക്കോട്ടേക്ക് നേരിട്ടുള്ള വിമാന സര്‍വീസ് പ്രഖ്യാപിച്ചു. റാസല്‍ഖൈമ- കോഴിക്കോട് റൂട്ടില്‍ ആഴ്ചയില്‍ മൂന്ന് നോണ്‍സ്‌റ്റോപ്പ് സര്‍വീസാണ് കമ്പനി പ്രഖ്യാപിച്ചത്. ഈ മാസം (നവംബര്‍ 22) മുതല്‍ സര്‍വീസ് ആരംഭിക്കും. ബുധന്‍, വെള്ളി, ഞായര്‍ ദിവസങ്ങളിലായിരിക്കും സര്‍വീസ്. റാസല്‍ഖൈമയില്‍ നിന്ന് ഉച്ചയ്ക്ക് 2:55 ന് പുറപ്പെട്ട് രാവിലെ 8:10 ന് കോഴിക്കോടും രാത്രി 8: 50 ന് കോഴിക്കോട് നിന്ന് പുറപ്പെട്ട് രാത്രി 11:25ന് റാസല്‍ഖൈമയില്‍ എത്തുന്ന രീതിയിലാണ് സര്‍വീസ് ക്രമീകരിച്ചിരിക്കുന്നത്.
പുതിയ സര്‍വീസ് ആരംഭിക്കുന്നതോടെ കുറഞ്ഞ ചെലവില്‍ പ്രവാസികള്‍ക്ക് റാസല്‍ഖൈമയില്‍ നിന്ന് കോഴിക്കോട്ടേക്ക് യാത്ര ചെയ്യാനാവും. റാസല്‍ഖൈമയില്‍ നിന്ന് കോഴിക്കോട്ടേക്ക് പുതിയ നോണ്‍സ്‌റ്റോപ്പ് വിമാനങ്ങള്‍ ആരംഭിക്കുന്നതില്‍ സന്തോഷമുണ്ടെന്ന് എയര്‍ അറേബ്യ ഗ്രൂപ്പ് സിഇഒ അദേല്‍ അല്‍ അലി പറഞ്ഞു.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/DwYqZdMYXUCGOpYy8tmMSU
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
