October 25, 2023
October 25, 2023
ദുബായ്: എമിറേറ്റിലെ ടാക്‌സികളെ ട്രാക്ക് ചെയ്യാനും ഡ്രൈവര്‍മാരെ നിരീക്ഷിക്കാനും എഐ സാങ്കേതിക വിദ്യ ഉപയോഗിക്കുമെന്ന് റോഡ് ഗതാഗത വകുപ്പിന് (ആര്‍ടിഎ) കീഴിലെ ടാക്‌സി കോര്‍പറേഷന്‍ അറിയിച്ചു. ആവശ്യാനുസരണം രാജ്യത്തെ വിവിധ ഭാഗങ്ങളില്‍ ടാക്‌സികള്‍ വിന്യസിക്കാനും യാത്രക്കാരുടെ ആവശ്യങ്ങള്‍ അതിവേഗം നടപ്പാക്കാനുമാണ് പുതിയ സംവിധാനം.
ടാക്‌സികള്‍, ലിമോസിനുകള്‍, സ്‌കൂള്‍ ബസുകള്‍, വാണിജ്യ ബസുകള്‍, മോട്ടോര്‍സൈക്കിളുകള്‍ എന്നിവ എഐയുടെ നിരീക്ഷണ പരിധിയില്‍ വരും. ഇവയുടെ പ്രവര്‍ത്തനം എഐയിലൂടെ ടാക്‌സി കണ്‍ട്രോള്‍ റൂമില്‍ നിന്ന് നിരീക്ഷിക്കും. 7200 വാഹനങ്ങളും 14,500 ഡ്രൈവര്‍മാരും നിരീക്ഷിക്കപ്പെടും. രാജ്യത്തെ 1000 സ്‌കൂള്‍ ബസുകളാണ് നിരീക്ഷണ പരിധിയിലുള്ളത്.
എഐ സംവിധാനം കര്‍ശനമാക്കുന്നതോടെ ഡ്രൈവര്‍മാരുടെ സ്വഭാവവും മാനദണ്ഡങ്ങള്‍ പാലിക്കുന്നുണ്ടോ എന്ന് ഉറപ്പുവരുത്താനും സാധിക്കും. സ്‌കൂള്‍ ബസുകള്‍ നിരീക്ഷിക്കുന്നതിലൂടെ വിദ്യാര്‍ത്ഥികളുടെ സുരക്ഷ ഉറപ്പാക്കാനാവും. അപകടസാധ്യതയുള്ള സമയങ്ങളില്‍ ബന്ധപ്പെട്ട വകുപ്പുകള്‍ക്ക് അതിവേഗം മുന്നറിയിപ്പുകള്‍ നല്‍കാനും പുതിയ സംവിധാനത്തിലൂടെ സാധിക്കും.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/DwYqZdMYXUCGOpYy8tmMSU
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
