January 15, 2024
January 15, 2024
ദുബായ് : ദുബായിൽ 28 പ്രദേശങ്ങൾക്ക് പുതിയ പേര് നൽകിയതായി ദുബായ് ലാൻഡ് ഡിപ്പാർട്മെന്റ് അറിയിച്ചു. പുതുതായി വികസിക്കുന്നതും നേരത്തെയുള്ളതുമായ സ്ഥലങ്ങൾ അടക്കം സുപ്രധാന സ്ഥലങ്ങളുടെ പേരുകളാണ് പുതുക്കിയത്.
നഗരത്തിലെ ഏറ്റവും ശ്രദ്ധേയമായ ശൈഖ് സായിദ് റോഡ് മേഖല ഇനി മുതൽ ‘ബുർജ് ഖലീഫ’ എന്നറിയപ്പെടും. അപ്പാർട്മെന്റുകളും ഓഫിസുകളും ഹോട്ടലുകളും അടക്കമുള്ള നിരവധി കെട്ടിടങ്ങളുള്ള പ്രദേശമാണിത്. ഡൗൺടൗൺ, ബിസിനസ് ബേ, ജെ.എൽ.ടി, ദുബായ് മറീന എന്നിവയടക്കമുള്ള ഇവിടം നിക്ഷേപകർക്കും വിനോദസഞ്ചാരികൾക്കും ഇടയിൽ പ്രശസ്തമാണ്. സ്വദേശികൾക്ക് താമസത്തിന് വീടുകൾ നിർമിക്കുന്ന പ്രദേശത്തിന് ‘മദീനത് ലത്വീഫ’ (മുമ്പ് ഇസ്ലാൽ) എന്ന പേര് നൽകും. യു.എ.ഇ വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ശൈഖ് മുഹമ്മദ് ബിൻ റാശിദ് ആൽ മക്തൂമിന്റെ മാതാവ് ശൈഖ ലത്വീഫ ബിൻത് ഹംദാൻ ബിൻ സായിദ് അൽ നഹ്യാന്റെ പേരാണ് പ്രദേശത്തിന് നൽകിയിരിക്കുന്നത്. ഇവിടെ യു.എ.ഇ പൗരന്മാർക്ക് 3,500 പ്ലോട്ടുകളും 2,300 താമസയോഗ്യമായ വീടുകളുമാണ് അനുവദിച്ചിട്ടുള്ളത്.
പേരുമാറ്റമുണ്ടായ മറ്റ് സ്ഥലങ്ങൾ:
അൽ ത്വായ് (മുമ്പ് അൽ ഖവാനീജ്-3), അൽ ഥനിയ സെക്കൻഡ് (മുമ്പ് അൽ മദ്മാർ), മദീനത് ദുബായ് അൽ മലാഹിയ (മുമ്പ് അൽ മിനാ), അൽഥനിയ ഫസ്റ്റ് (മുമ്പ് അൽ സഫൂഹ്), അൽ സൂഖ് അൽ കബീർ (മുമ്പ് അൽ സൂഖ് അൽ കബീർ ദുബായ്), സെയ്ഹ് ശുഐബ്-2 (മുമ്പ് ഇൻഡസ്ട്രിയൽ സിറ്റി ഫസ്റ്റ്), സെയ്ഹ് ശുഐബ്-3 (മുമ്പ് ഇൻഡസ്ട്രിയൽ സിറ്റി സെക്കൻഡ്), സെയ്ഹ് ശുഐബ്-4 (മുമ്പ് ഇൻഡസ്ട്രിയൽ സിറ്റി തേഡ്), അൽഥനിയ ഫിഫ്ത് (മുമ്പ് എമിറേറ്റ്സ് ഹിൽസ് ഫസ്റ്റ്), അൽഥനിയ തേർഡ്(മുമ്പ് എമിറേറ്റ്സ് ഹിൽസ് സെക്കൻഡ്), അൽഥനിയ ഫോർത്ത് (മുമ്പ് എമിറേറ്റ്സ് ഹിൽസ് തേർഡ്), അൽ ഖീറാൻ (മുമ്പ് ഫെസ്റ്റിവൽ സിറ്റി സെക്കൻഡ്), അൽ ഹിബിയ്യ ഫിഫ്ത്ത് (മുമ്പ് ഗോൾഫ് ക്ലബ്), ജബൽ അലി ഇൻഡസ്ട്രിയൽ ഫസ്റ്റ്(മുമ്പ് ജബൽ അലി ഇൻഡസ്ട്രിയൽ), ജബൽ അലി ഫസ്റ്റ്(മുമ്പ് ജബൽ അലി വില്ലേജ്), അൽ ബർഷ സൗത്ത് ഫസ്റ്റ് (മുമ്പ് ജുമൈറ വില്ലേജ് ഫസ്റ്റ്), അൽ ബർഷ സൗത്ത് ഫിഫ്ത്ത് (മുമ്പ് ജുമൈറ വില്ലേജ് സെക്കൻഡ്), അൽ ഹിബ്യ ഫസ്റ്റ്(മുമ്പ് മോട്ടോർ സിറ്റി), വാദി അൽ സഫ-6 (മുമ്പ് റേഞ്ചസ്), അൽ ഹിബ്യ ഫോർത്ത് (മുമ്പ് സ്പോർട്സ് സിറ്റി), അൽ ഹിബ്യ സെക്കൻഡ് (മുമ്പ് സ്പോർട്സ് സിറ്റി ഫസ്റ്റ്), മദീനത് ഹിന്ദ്-1 (മുമ്പ് ഉമ്മു നഹദ്-1), മദീനത് ഹിന്ദ്-2 (മുമ്പ് ഉമ്മു നഹദ്-2), മദീനത് ഹിന്ദ്-3 (മുമ്പ് ഉമ്മു നഹദ്-3), മദീനത് ഹിന്ദ്-4 (മുമ്പ് ഉമ്മു നഹദ്-4, അൽ യുഫ്റ-2, അൽ യുഫ്റ-3), ഗബീർ അൽ തയ്ർ (മുമ്പ് അൽ ഗോസ് സെക്കൻഡ്).
പേരുമാറ്റം പ്രഖ്യാപിച്ചെങ്കിലും എപ്പോഴാണ് നടപ്പിലാവുകയെന്ന് വ്യക്തമായിട്ടില്ല. പദ്ധതിയുടെ ആദ്യഘട്ടത്തിൽ അൽ ഖവാനീജ് 2 ഏരിയയിലെ റോഡുകൾക്ക് പ്രാദേശിക മരങ്ങളുടെയും പൂക്കളുടെയും പേരുകൾ നൽകിയിരുന്നു. പ്രാദേശികമായി കാണപ്പെടുന്ന ഏറ്റവും പ്രശസ്തമായ വൃക്ഷമെന്ന നിലയിലാണ് അൽ ഗാഫ് സ്ട്രീറ്റിന് പേര് ലഭിച്ചത്. അതുപോലെ മറ്റ് തെരുവുകൾക്ക് അൽ സിദ്ർ, ബാസിൽ, അൽ ഫാഗി, അൽ സമർ, അൽ ശാരിഷ് എന്നിങ്ങനെയും പേരുകൾ ലഭിച്ചു.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/KIGk615xlF1ILlMGxpUXqI
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F