February 25, 2024
February 25, 2024
ഷാർജ: ഷാർജയിൽ റോഡ് മുറിച്ചു കടക്കുന്നതിനിടെ 13 വയസ്സുകാരൻ വാഹനാപകടത്തിൽ മരിച്ചു. ഷാർജയിൽ ദിവസങ്ങൾക്ക് മുമ്പ് നടന്ന സംഭവം പൊലീസ് വൃത്തങ്ങളാണ് പുറത്തു വിട്ടത്. ഷാർജയിലെ പഴയ എക്സ്പോ ജങ്ഷന് സമീപത്താണ് അപകടമുണ്ടായത്. കുട്ടി ട്രാഫിക് സിഗ്നലിൽ റോഡ് മുറിച്ചുകടക്കവെ വാഹനമിടിക്കുകയായിരുന്നു.
ഉടൻ ആശുപത്രിയിൽ എത്തിത്തിച്ചെങ്കിലും രക്ഷിക്കാനായില്ലെന്ന് ഷാർജ പൊലീസ് കമാൻഡർ ഇൻ ചീഫ് മേജർ ജനറൽ സൈഫ് അൽ സാരി അൽ ശംസി പറഞ്ഞു. ട്രാഫിക് ലൈറ്റ് വാഹനങ്ങൾക്ക് പച്ചയും കാൽനടയാത്രക്കാർക്ക് ചുവപ്പും നിറത്തിലായിരിക്കെയാണ് ദുരന്തമുണ്ടായതെന്നും ഡ്രൈവർക്കെതിരെ ട്രാഫിക് കേസ് രജിസ്റ്റർ ചെയ്തിട്ടുണ്ടെന്നും അദ്ദേഹം വ്യക്തമാക്കി. അപകടത്തിൽ മരിച്ച കുട്ടിയുടെ മറ്റു വിവരങ്ങൾ പുറത്തുവിട്ടിട്ടില്ല.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F